Na publiku Viktar Janukovič byŭ pałymiana pravasłaŭnym. Ale pry hetym u jaho šmat hadoŭ była hramadzianskaja žonka — Luboŭ Palažaj — uradženka Jenakijeva (Danieckaja vobłaść).
Hetaja žančyna — rodnaja siastra kucharki Janukoviča.
Pra heta ŭ svaim Facebook paviedamiŭ žurnalist Siarhiej Leščanka.
«Dobra, raz revalucyjaniery pabyvali ŭ Choncy i ŭsie pabačyli, to čas nazvać rečy svaimi imionami. Takim čynam, pierad vami hramadzianskaja žonka byłoha ŭkrainskaha lidara Viktara Janukoviča — uradženka Jenakijeva Luboŭ Palažaj, — piša Leščanka. — Jana rodnaja siastra jaho kucharki Nadziei Maryncavaj, pra jakuju my pisali, kali rasśledavali dziŭny skład pasažyraŭ čartara Janukoviča ŭ Davos.
Janukovič i Palažaj ŭžo šmat hadoŭ razam, pry hetym Janukovič aficyjna nie raźviedzieny sa svajoj Ludmiłaj», — napisaŭ Leščanka.
Ludmiła Janukovič zastavałasia pražyvać u Danieckaj vobłaści.
Jak i bolšaść prezidentaŭ na postsavieckaj prastory, Viktar Janukovič trymaŭ svajo pryvatnaje žyćcio za zasłonaj sakretnaści. Pry hetym jon pryŭłaščvaŭ dziaržaŭnyja srodki miljardami i źniščaŭ palityčnych praciŭnikaŭ.
Biełaruskaja błohierka pakazała, jaki žach moža adbyvacca z vusnami, kali chočaš ich pavialičyć — a potym pamienšyć7
Kamientary