Paśla najezdu kiroŭca pasprabavaŭ uciačy, ale byŭ zatrymany. Supracoŭnik DPS z traŭmami źmieščany ŭ balnicu.
Vypadak zdaryŭsia ŭviečary 23 lutaha pablizu vioski Vialikaje Siało Baranavickaha rajona.
Jak paviedamili ŭ pravaachoŭnych orhanach, adzin ź milicyjantaŭ ubačyŭ, jak mužčyna kuplaje ŭ kramie śpirtnoje, a paśla sadzicca za rul. Padazrajučy, što kiroŭca moža być niećviarozy, milicyjant pieradaŭ infarmacyju pra jaho pa racyi najbližejšamu naradu DPS.
Kali padazrony aŭtamabil padjazdžaŭ da vioski Vialikaje Siało, jaho ŭžo čakaŭ narad DAI.
Inśpiektar DPS vyjšaŭ, kab spynić mašynu, ale zamiest taho, kab prytarmazić, kiroŭca źbiŭ milicyjanta i pasprabavaŭ uciačy.
U chodzie płana «Pierachop» parušalnika zatrymali. Vyjaviłasia, što jon užo byŭ sudzimy za ŭčynieńnie DTZ, u jakim dvoje čałaviek atrymali surjoznyja traŭmy.
Milicyjant u vyniku zdareńnia atrymaŭ traŭmy i byŭ špitalizavany. Pa fakcie DTZ pravodzicca pravierka.
Kamientary