Absalutnaja čempijonka śvietu pa vakale Dyjana Hromava pradstaŭlaje svaju pieršuju biełaruskamoŭnuju pieśniu.
Dyjana — adna z samych talenavitych śpiavačak krainy. U svaje 18 hadoŭ jana maje niamała dasiahnieńniaŭ: stała łaŭreatam 13-ci mižnarodnych konkursaŭ, trojčy traplała ŭ finalny adbor na dziciačaje «Jeŭrabačańnie», pieramahła ŭ prajekcie «Suzorje nadziej», a ŭ 2010 hodzie stała absalutnaj čempijonkaj śvietu pa vakale na XIV suśvietnym čempijanacie ŭ Niderłandach. Jaje pieśnia «Lady Diana» pryznanaja najlepšaj na čempijanacie śvietu pa vykanalnickim mastactvie ŭ Halivudzie. Maje hanarovaje zvańnie pasła dobraj voli JUNIESKA.
Dahetul Dyjana śpiavała ŭ asnoŭnym pa-rasijsku. A ciapier vyrašyła pasprabavać siabie i ŭ biełaruskamoŭnaj tvorčaści.
Pieśniu dla jaje napisaŭ i spradusavaŭ Mikita Najdzionaŭ z hurta Hurma — debiutu-2013 pa viersii Tuzin.fm. Pieśniu zapisali na studyi Orangerecords, za zapis i majstarynh adkaznym byŭ Siarhiej Čajka, zvodziŭ Uładzimier Trafimienka.
U padtrymku biełaruskamoŭnaha sinhła Dyjana miarkuje taksama źniać klip.
-
Rasijski servis nie raźmiaściŭ biełaruskamoŭnuju pieśniu — paličyŭ, što trek prapahanduje nacyjanalizm ci hvałt
-
Queen pradaŭ svoj muzyčny katałoh za $1,27 miljarda — heta rekordnyja hrošy ŭ muzyčnaj śfiery
-
«Dałaś tiebie vot eta Polša, v RB zarpłata bolšie». Štučny intelekt napisaŭ prapahandyscki chit
Kamientary