Trahičnaje DTZ adbyłosia 23 lutaha ŭ Voranaŭskim rajonie Hrodzienskaj vobłaści (na 11-m kiłamietry aŭtadarohi Voranava—Trakieli, kala vioski Palipnica), paviedamlaje sajt DAI Hrodna i Hrodzienskaj vobłaści. U Voranaŭskim rajonie inšamarka z pjanym za rulom zavisła na drevie. Ranicaj u 10.30 aŭtamabil «Falksvahien Holf», u jakim jechali 4 čałavieki, na zavarocie darohi vylecieŭ u kiuviet, niekalki razoŭ pieraviarnuŭsia i zavis na prydarožnaj drevie. Pakolki ni kiroŭca, ni pasažyry nie byli pryšpilenyja ramianiami biaśpieki, ich vykinuła praz šyby. Kiroŭca 25 hadoŭ pamior na miescy zdareńnia. Traim pasažyram spatrebiłasia miedycynskaja dapamoha. Pavodle papiaredniaj infarmacyi, usia kampanija na praciahu cełaj nočy piła ŭ vioscy Lipniški, a ranicoj vyrašyła pajechać u Voranava da siabroŭ, kab praciahnuć śviata.
