U Babrujsku spyniena dziejnaść arhanizavanaj złačynnaj hrupy, jakaja zajmałasia niezakonnaj pradprymalnickaj dziejnaściu pa kupli-prodažy i abmienie abjektaŭ nieruchomaści.
Pavodle źviestak Departamienta finansavych rasśledavańniaŭ pa Mahiloŭskaj vobłaści, za piać hadoŭ hrupa paśpieła pravieści niezakonnyja ździełki amal z 20 abjektami nieruchomaści — kvaterami i damami.
«Arhanizataram i kaardynataram usioj dziejnaści vystupiŭ 50-hadovy babrujčanin, raniej nieadnarazova sudzimy za kradziažy i rabavańnie. Roli siarod udzielnikaŭ hrupy byli dakładna raźmierkavanyja: pošukam hramadzian, jakija majuć žyłpłošču i jakija viaduć asacyjalny ład žyćcia, afarmleńniem ździełak pa kupli- prodažy, daravańniu, abmienie žylla, atrymańniu najaŭnych hrošaj zajmaŭsia kiraŭnik złačynnaj hrupy, jaho pamočnik zajmaŭsia pracaj z «klijentami», daviadzieńniem ich da nieabchodnaha stanu», — paviedamiła BiełaPAN aficyjny pradstaŭnik USK pa Mahiloŭskaj vobłaści Aksana Salaniuk.
Pavodle jaje słoŭ, «klijentaŭ» šukali i znachodzili ŭ Babrujsku siarod asobaŭ, jakija pakutujuć ad ałkaholnaj zaležnaści, jakija majuć žyllo i nieapłačanuju zapazyčanaść pa kvartpłacie. Paśla hetaha ź imi «pravodziłasia adpaviednaja praca», padčas jakoj ułaśniki kvater padpisvali davieranaści na prava rasparadžeńnia ich žyllom. U dalejšym žyllo realizoŭvałasia trecim asobam, a byłyja ŭłaśniki pierasialalisia ŭ niedarahija doma i kvatery ŭ Hłuskim rajonie.
Dvoje členaŭ hrupy aryštavanyja pa padazreńni ŭ niezakonnaj pradprymalnickaj dziejnaści. U USK pa Mahiloŭskaj vobłaści pačali pastupać zajavy ad hramadzian, jakija paciarpieli ad ašukanskich dziejańniaŭ.
Salaniuk dadała, što šturškom da rasśledavańnia złačynstva, jakija spačatku viali apieratyŭnyja supracoŭniki MUS, pasłužyła zabojstva ŭ vioscy Katka Hłuskaha rajona ŭ minułym hodzie, ździejśnienaje adnym z byłych babrujčanaŭ.
Biełaruskaja błohierka pakazała, jaki žach moža adbyvacca z vusnami, kali chočaš ich pavialičyć — a potym pamienšyć6
Kamientary