Alaksandr Łukašenka zaklikaŭ na fonie alimpijskich pośpiechaŭ nie zabyvać pra isnujučyja ŭ sporcie prablemy. Ab hetym jon zajaviŭ siońnia ŭ Pałacy Niezaležnaści na cyrymonii ŭšanavańnia hierojaŭ zimovaj Alimpijady ŭ Sočy, paviedamlaje BiełTA.
Łukašenka ŭ atačeńni alimpijcaŭ: Darji Domračavaj, Ały Cupier i Antona Kušnira. Za imi siadziać — Valeryj Vakulčyk, Natalla Piatkievič, Piatro Prakapovič, fota president.gov.by
«Nielha nie bačyć i tych prablem, jakija siońnia bolš, čym nam chaciełasia b, apanavali naš sport. Nielha za hetymi bliskučymi pieramohami niekalkich čałaviek nie bačyć tych prablem, jakija ŭ nas isnujuć. I kali ŭ bijatłonie blisnuli našy dziaŭčaty (asobnyja, ščyra kažučy), to paŭstaje pytańnie: a dzie ž mužyki, dzie našy łyžniki, dzie inšyja?» — skazaŭ jon.
Pavodle słoŭ Łukašenki, adpaviednyja pytańni buduć abmiarkoŭvacca na tradycyjnaj pracoŭnaj naradzie pry padviadzieńni vynikaŭ Alimpijskich hulniaŭ. «I da hetaha ŭsie kiraŭniki fiederacyj i členy ŭrada pavinny być hatovyja», — papiaredziŭ jon.
Łukašenka nahadaŭ, što ŭžo zusim chutka Biełaruś budzie prymać čempijanat śvietu pa chakiei, i biełaruskaja kamanda pavinna hodna na im vystupić.
«Kali vy nie ŭmiejecie hulać u chakiej, a na spartyŭnuju chakiejnuju placoŭku siońnia vychodziać navat nie zmahacca i zmahacca, a vajavać, bicca, vieści, kali vy da hetaha nie hatovyja — lepš nie vychodźcie na placoŭku», — skazaŭ Łukašenka.
