Vytoki premii «Załaty apostraf» treba šukać u 2002 hodzie, kali piśmieńnik Barys Piatrovič zasnavaŭ časopis «Dziejasłoŭ».
Praz dva hady, 25 sakavika 2004 hoda, u Domie litaratara była prezientavanaja premija «Załaty apostraf».
Łaŭreatami mohuć stać asoby, čyje tvory na praciahu hoda drukavalisia na staronkach časopisa. Śpiarša premija ŭručałasia ŭ naminacyjach «proza», «paezija» i «debiut».
Paźniej dadałasia naminacyja «za vysoki ŭkład u sučasnuju biełaruskuju litaraturu». Adroźnieńnie ad papiarednich hadoŭ u tym, što zamiest naminacyi «debiut» uviedziena naminacyja «non-fiction».
Siońnia na Art Siadzibie adbyłosia ŭhanaravańnie łaŭreataŭ.
U naminacyi «proza» pieramoh Viktar Kaźko (apaviadańni pad ahulnym zahałoŭkam «Viečny poklič vady»). U naminacyi «paezija» — Leanid Hałubovič (padborka «Zazimak»). U naminacyi «non-fiction» – Aleś Bialacki za artykuł «Dziady byli z nami» (artykuł z nahody 25-hodździa «Dziadoŭ», pieršaha masavaha mitynhu ŭ Biełarusi). Premiju za «za vysoki ŭkład u sučasnuju biełaruskuju litaraturu» atrymaŭ Hienadź Buraŭkin.
Cikava, što ŭ internet-hałasavańni čytačy addali svaje hałasy zusim inšym pretendentam: Volzie Hronskaj (paezija), Jevie Viežnaviec (proza) i Siarhieju Kavalovu («non-fiction»). Łaŭreaty apynulisia na druhim ci trecim miescach.
