Kiraŭnik MUS Ukrainy: Aeraporty Kryma zaniali rasijskija vajskoŭcy

Arsien Avakaŭ prakamientavaŭ apošnija padziei ŭ Krymie, dzie rasijskija vajskoŭcy i ludzi ŭ cyvilnym rabili sproby zachapić aeraporty.

Ministr unutranych spraŭ napisaŭ u Facebook nastupnaje:

«Krym. Dakładvaju stanovišča pa vynikach nočy, kab nie karystalisia čutkami:

1. Aeraport Bielbiek. Zabłakavany vajennymi padraździaleńniami fłotu RF. Unutry aeraporta znachodziacca vajskoŭcy i pamiežniki Ukrainy. Zvonku — vajskoŭcy ŭ kamuflažy i sa zbrojaj biez apaznavalnych znakaŭ, ale nie chavajuć svajoj prynaležnaści. Aeraport nie pracuje. Na źniešnim pierymietry pasty MUS Ukrainy. Uzbrojenaha sutyknieńnia pakul niama.

2. Aeraport Simfieropal. Kala 12-j nočy hrupa ŭ hramadzianskim, kala 100 čałaviek, jakaja nazvałasia kazačaj sotniaj, pieraadoleŭšy aharodžu na terytoryju aeraporta vyjšła na pole aeradroma.

Siłami Unutranych vojskaŭ i milicyi hetyja ludzi byli adcisnuty spačatku ŭ budynak aeraporta, a zatym i zusim za terytoryju. Zbroja nie ŭžyvałasia. Rajon aeraporta byŭ pakinuty «kazakami» kala hadziny nočy — pahruzilisia na tentavanyja KamAZy i źjechali.

Kala 1.30 nočy ŭ budynak aeraporta prybyli na niekalkich hruzavikach 119 vajennych z aŭtamatyčnaj zbrojaj u kamuflažy biez apaznavalnych znakaŭ. Uvajšli ŭ budynak aeraporta, raźmiaścilisia ŭ pamiaškańni restarana. Nie chavajuć svajoj prynaležnaści da Uzbrojenych sił Rasijskaj Fiederacyi. Na pytańni ŭkrainskich supracoŭnikaŭ MUS «vy vajennyja i nie majecie prava tut znachodzicca» — adkazvajuć koratka — nie majem instrukcyj vieści z vami pieramovy. Situacyja statyčnaja, zbroja z abodvuch bakoŭ nie ŭžyvałasia. Rasijskija vajskoŭcy statyčna nazirajuć za pracaj aeraporta, naŭprost nie ŭmiešvajucca. Unutranyja vojski i MUS Ukrainy ŭzmacnili narady ŭ rajonie aeraporta. Napružańnie narastaje.

Supraćstajać rehularnym vajennym siłam orhany pravaparadku nie zmohuć.

Toje, što adbyvajecca, aceńvaju, jak UZBROJENAJE UVARVAŃNIE I AKUPACYJA. U PARUŠEŃNIE ŬSICH MIŽNARODNYCH DAMOVAŬ I NORMAŬ. Heta pramaja pravakacyja ŭzbrojenaha krovapralićcia na terytoryi suvierennaj dziaržavy.

Heta ŭžo nie kampietencyja MUS. Heta kampietencyja RNBA [Rady nacyjanalnaj biaśpieki i abarony]. Pakul jašče niama pramoha ŭzbrojenaha sutyknieńnia, pavinny havaryć dypłamaty».

Apytanka

• 0
• 0
• 0
• 0
• 0