Basmanny sud Maskvy 28 lutaha źmiaściŭ apazicyjaniera Alaksieja Navalnaha pad chatni aryšt da 13 červienia. Navalnamu zabaroniena pakidać kvateru biez dazvołu śledčaha, a taksama karystacca telefonam, poštaj i internetam, kantaktavać z kimści, akramia svajakoŭ, i davać kamientary pa kryminalnaj spravie.
Pavodle śledstva, Navalny, jakoha abvinavačvajuć u kradziažach i admyvańni hrošaj pa spravie «Iŭ Raše», nieadnarazova parušaŭ umovy padpiski ab niavyjeździe. Navalny prasiŭ pakinuć jaho pad padpiskaj ab niavyjeździe pad zakład 500 tysiač rasijskich rubloŭ (kala 14 tys. dalaraŭ). Apazicyjanier zajaviŭ, što ŭzmacnieńnie žorstkaści miery strymańnia stała b pieraškodaj dla jaho palityčnaj dziejnaści, bo jon nie zmoža ŭdzielničać u kampanii pa vybarach u Mashardumu.
U studzieni śledstva abvinavaciła Navalnaha ŭ parušeńni padpiski ab niavyjeździe. Apazicyjanier nibyta naviedvaŭ Maskoŭskuju vobłaść. Sam Navalny nastojvaje, što vyjazdžaŭ u Padmaskoŭje z dazvołu śledčaha.
Navalny ŭžo byŭ prysudžany da piaci hadoŭ pazbaŭleńnia voli ŭmoŭna pavodle abvinavačvańniaŭ u machlarstvie pa «spravie Kiraŭlesa». Pa spravie «Iŭ Raše» jon znachodziŭsia pad padpiskaj ab niavyjeździe.
Zaraz Navalny znachodzicca ŭ SIZA. U aŭtorak, 25 lutaha, jaho aryštavali na siem sutak za ŭdzieł u niesankcyjanavanaj akcyi ŭ padtrymku fihurantaŭ bałotnaj spravy na Maniežnaj płoščy.
Pasoł Sidarenka pakončyŭ z saboj, nie vytrymaŭ dopytaŭ KDB33
Pasoł Sidarenka pakončyŭ z saboj, nie vytrymaŭ dopytaŭ KDB
Krainy ES uzhadnili sankcyi ŭ dačynieńni da Biełarusi, kab zakryć samuju vialikuju ščylinu suprać Rasii1
Kamientary