fota Varty Kijeva
Uład Zubienka pamior siońnia ŭ 18:35, pra heta paviedamiła na svajoj staroncy ŭ fejsbuku Varta Kijeva. Uład atrymaŭ kulavoje ranieńnie na vulicy Instytuckaj 20 lutaha.
Jamu było 22 hady. Uład Zubienka byŭ čyhunačnik, žyŭ u Charkavie, pracavaŭ na Paŭdniovaj čyhuncy, kali ŭ lutym situacyja ŭ Kijevie abvastryłasia, skiravaŭsia tudy, zarehistravaŭsia ŭ sotni Majdanu. Jon vyjšaŭ baranić Kijeŭ u rycarskich łatach (zachaplaŭsia histaryčnymi rekanstrukcyjami).
Kula z aŭtamata AK-47 trapiła jamu ŭ žyvot, zakranuła piečań, nyrku, lohkaje i niervovyja kančatki chrybta, prabiła dyjafrahmu. Z pola boju chłopca adciahnuli paplečniki. Advieźci jaho ŭ špital mahčymaści nie było — «chutkija» na Majdan nie puskali. Na vyručku pryjšli ludzi z pasolstva Vialikabrytanii, jakija dali svaju mašynu. Siońnia Uład pamior.
Takim čynam kolkaść achviaraŭ kryvavych sutyčak u Kijevie 18—21 lutaha vyrasła da 84 čałaviek.
