Julija Cimašenka prapanavała svoj płan dziejańniaŭ u adkaz na namier Rasiei ŭvieści va Ukrainu svaje vojski.
Na dumku Cimašenki, Rasija, jakaja «tolki što zrabiła čarhovy akt zastrašvańnia Ukrainy hučnymi zajavami i rašeńniami ab vajnie», choča «zabić niezaležnaść Ukrainy, prymusić nas da kapitulacyi».
«My — mirny narod, my — mirnaja kraina, ale kali ciapier my prymiem ultymatum Rasii — my stracim svaju krainu. Ja prapanuju dziejničać, ale zachoŭvać poŭny spakoj i nie ŭsprymać naviazanuju Rasijaj ahresiju i dziejničać pa jaje płanach, abvastrajučy situacyju. Jany chočuć vajnu pa scenary Abchazii i Asiecii ŭ Hruzii», — havorycca ŭ zajavie Cimašenki, raźmieščanym na jaje sajcie.
Na dumku Cimašenki, treba nieadkładna sklikać pasiadžeńnie Viarchoŭnaj Rady, na jakim pavinny być «pryniatyja nastupnyja rašeńni:
Pieršaje. Pryniać zvarot u Radu Biaśpieki AAN z prośbaj nieadkładna sklikać u Kijevie Radu Biaśpieki AAN.
Druhoje. Pryniać zvarot da Jeŭrapiejskaha Sajuza z prapanovaj terminova sabrać Radu Ministraŭ ES abo samit ES u Livadyjskim pałacy ŭ Krymie.
Treciaje. Pryniać zvarot da Jeŭrapiejskaha Sajuza z prapanovaj nieadkładna, na praciahu niekalkich dzion, padpisać z Ukrainaj Pahadnieńnie ab asacyjacyi, jakoje ŭžo prajšła ŭsie nieabchodnyja papiarednija pracedury i całkam hatovaje da realizacyi.
Čaćviortaje. Pryniać rašeńnie, jakoje paćvierdzić nieadkładnuju hatoŭnaść Ukrainy na padpisańnie Damovy ź ES.
Piataje. Pryniać zvarot da krain zachodniaha śvietu z patrabavańniem nieadkładna prystupić da vykanańnia ŭmoŭ Budapiešckaha miemaranduma ab harantyjach biaśpieki, uličvajučy raźmiaščeńnie na terytoryi Ukrainy abjektaŭ jadziernaj enierhietyki. Nam nie patrebna vajna, nam patrebna stratehija strymlivańnia ahresii, jakaja budzie ŭžyta demakratyčnym śvietam. I takaja stratehija siońnia spracuje».
«Ukraina zaraz pavinna stać miescam zboru ŭsiaho demakratyčnaha śvietu. My pavinny zrabić tak: kali Rasija źbiarecca stralać va Ukrainie, to jana pavinna viedać, što ŭ hetyja chviliny jana budzie stralać va ŭvieś demakratyčny śviet, jaki ŭ hety čas budzie znachodzicca va Ukrainie», — napisała Cimašenka i zaklikała ŭsich ukraincaŭ abjadnacca i zachoŭvać spakoj.
«My ŭsie pracujem na dypłamatyčnym uzroŭni i pieramožam», — padahulniła jana.
