Viktar Janukovič-małodšy vykazaŭ svaju salidarnaść z baćkam, byłym prezidentam Ukrainy Viktaram Janukovičam, zvarot źmieščany na jaho staroncy ŭ fejsbuku.
«Darahija siabry! Ščyra ŭdziačny ŭsim Vam za Vašu padtrymku! Chaču źviarnucca da tych hramadzianaŭ, jakija, niahledziačy ni na što zastajucca sapraŭdnymi patryjotami Ukrainy i da tych bajcoŭ, jakija prysiahali narodu i zabiaśpiečvali paradak u krainie, i zastalisia addanymi synami svajoj Ajčyny, — piša jon. — Usie Vy na svaje vočy bačycie, što va Ukrainie adbyŭsia ŭzbrojeny dziaržaŭny pieravarot I ŭ hetym ni ŭ kaho ŭžo niama sumnievaŭ. I prachodziŭ jon pa pradumanamu i padrychtavanamu zamiežnamu scenaru. Jaskravym prykładam źjaŭlajucca, jak u niadaŭnim minułym — Juhasłavija tak i Siryja».
«Adbyłasia elemientarnaja interviencyja Ukrainy inšymi dziaržavami rukami prafašysckich śpiecyjalna navučanych radykalna nastrojenych abjadnańniaŭ pa pryncypie: čym horš — tym lepš», — miarkuje jon.
«U krainie sfarmiravany ŭrad samazvancaŭ, abvieščanych bajevikami. I ŭ jakim demakratyčnaj dziaržavie Vy jašče bačyli, što ŭ rukach adnaho čałavieka — śpikiera VR Ukrainy skancentravana niekalki halin ułady? Ale i akramia ŭsiaho, jašče i samaabvieščanaha prezidentam, nasupierak usim zakonam Ukrainy i Kanstytucyi ŭ pieršuju čarhu».
«Ja zhodny z tym, što kiravać dziaržavaj vielmi nialohkaja praca, pakolki vielizarnuju rolu ŭ hetym adyhryvaje čałaviečy faktar. Ale nie pamylajecca tolki toj, chto ničoha nie robić!», — ličyć jon.
Viktar Janukovič — małodšy syn byłoha prezidenta Ukrainy (jość starejšy — aliharch Alaksandr Janukovič), nar. u 1981 h., deputat Viarchoŭnaj Rady Ukrainy, ź listapada 2013 h. — prezident Ukrainskaj aŭtamabilnaj fiederacyi, majstr sportu ŭ katehoryi «aŭtasport».
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)