Rasijskaje śpiecpadraździaleńnie da hetaha času błakuje ŭkrainskuju artyleryjskuju bazu ŭ Jeŭpatoryi.
Tam praciahvajucca pieramovy pamiž ukrainskim i rasijskim kamandavańniem i hramadzianskimi pradstaŭnikami, havorycca ŭ siužecie TSN. Ukrainskija vajennyja stali žyvym ščytom na abaronu čaści. Jašče adnym žyvym ščytom stajać žonki vajskoŭcaŭ. Kadry błakavańnia źniali miascovyja žychary.
Tych, chto napadaŭ, naličvajecca niekalki sotniaŭ, im dapamahajuć miascovyja prarasijskija radykały i rasfarmavany «Bierkut».
Akupanty patrabujuć va ŭkraincaŭ zdacca i pakinuć terytoryju čaści. Na bazu naviedaŭsia i pradstaŭnik tak zvanaha «krymskaha premjera» Aksionava. U supravadžeńni niekalkich uzbrojenych chłopcaŭ jon patrabavaŭ začynić i apłambavać zbroju.
Ukrainskija vajennyja admovilisia, tamu što, pa ich infarmacyi, za niekalki kiłamietraŭ ad bazy stajać aŭtobusy z rasijskimi artylerystami z rakietna-zienitnym kompleksam BUK, u pryvatnaści.
Šturmavuju bryhadu, jakaja teraryzuje bazu ŭ Jeŭpatoryi, napiaredadni bačyli ŭ Bielbieka. Jana hastraluje pa Krymie i pravakuje kanflikty. Ale našy sałdaty, jak mohuć, strymlivajuć nacisk.
«Rasijskaje kiraŭnictva dasłała siudy asabovy skład na 11 aŭtobusach, kab jany zaniali našy miescy. My ich vypichnuli žyvym ščytom. Paśla hetaha prybyŭ śpiecnaz. Vystavili ŭltymatum, kab my zdali zbroju i zdalisia sami. Pakul što trymajem nacisk. My biazzbrojnyja. Varoty nie dajom adčynić na KPP. Im dapamahajuć radykalna nastrojenyja prarasiejskija elemienty. I samaje cikavaje: naš rasfarmavany «Bierkut». Jany na baku ruskich tut vystupajuć», - raspavioŭ major Mikałaj Łukjančuk.
Kaho z palitviaźniaŭ mohuć vypuścić paśla anonsu Łukašenki?8
Kaho z palitviaźniaŭ mohuć vypuścić paśla anonsu Łukašenki?
Jaŭhienija Čarniaŭskaja, dačka zasnavalnika Tut.by Juryja Zisiera, zaniałasia vyrabam luksavaj kieramiki2
Kamientary