Pa stanie na viečar 4 sakavika ŭ Krymie znachodzilisia vajskoŭcy z častak, jakija nie ŭvachodziać u skład Čarnamorskaha fłotu Rasii. Takoje paviedamleńnie apublikavali ŭ Hienieralnym štabie Uzbrojenych sił Ukrainy.
U pryvatnaści ŭ h. Džankoj znachodzicca 1-y miechanizavany bataljon «Uschod» 18-j asobnaj miechanizavanaj bryhady, jakaja dysłakujecca ŭ Kalinoŭsku Čačenskaj Respubliki.
Taksama ŭ Krymie znachodziacca vajskoŭcy 31-j asobnaj desantna- šturmavoj bryhady PDV, jakaja dysłakujecca ŭ rasijskim Uljanaŭsku, i 22-j bryhady śpiecpryznačeńnia z Krasnadarskaha kraju.
«Nazvanyja dziejańni kiraŭnictva RF źjaŭlajecca pramym parušeńniem jak mižnarodnych, tak i dvuchbakovych pahadnieńniaŭ pamiž Ukrainaj i RF», — padkreślili ŭ Hienštabie Ukrainy.
Nahadajem, prezident Rasii Uładzimir Pucin na pres-kanfierencyi ŭ aŭtorak paviedamiŭ, što pakul nie bačyć nieabchodnaści nakiroŭvać rasijskija vojski va Ukrainu. Taksama jon pierakonvaŭ žurnalistaŭ, što rasijskich vajskoŭcaŭ na terytoryi Kryma niama.
Kaho z palitviaźniaŭ mohuć vypuścić paśla anonsu Łukašenki?8
Kaho z palitviaźniaŭ mohuć vypuścić paśla anonsu Łukašenki?
«Kadebist u čornych skuranych palčatkach zadavaŭ pytańni, i kali ja nie adkazvała, pačynaŭ mianie dušyć»11
Kamientary