Pasoł: Raźmiaščeńnie amierykanskich srodkaŭ procirakietnaj abarony va Ukrainie — pytańnie pieramovaŭ
Pasoł Ukrainy ŭ Biełarusi Michaił Ježal na bryfinhu ŭ Minsku 5 sakavika zajaviŭ, što abmiarkoŭvajecca mahčymaść raźmiaščeńnia va Ukrainie amierykanskaj sistemy procirakietnaj abarony.
«Heta pytańnie pieramovaŭ. Jak kažuć, ŭviažamsia ŭ bojku — raźbiaromsia», — skazaŭ pasoł.
Pasoł Ukrainy taksama raskrytykavaŭ niekatoryja rasijskija i «inšyja» ŚMI za dezinfarmacyju. «Niekatoryja kanały biez validołu hladzieć nielha», — zajaviŭ pasoł Ježal.
Pasoł udakładniŭ, što maje na ŭvazie najpierš pieradaču Dźmitryja Kisialova na RTR, i vykazaŭ škadavańnie, što i ŭ «inšych krainach SND taksama takija išli pieradačy».
Michaił Ježal zajaviŭ, što «my ličym, što naš urad lehitymny, my słužym narodu Ukrainy, pradstaŭlajem tut jaho intaresy».
Pasoł niekalki chvilin demanstruje žurnalistam roliki, u jakim u niehatyŭnym śviatle pakazvajecca były prezident Ukrainy. Na adnym z rolikaŭ adzin z pradstaŭnikoŭ Partyi rehijonaŭ nazyvaŭ Janukoviča zdradnikam.
Pasoł taksama skazaŭ: «Toje, što pryciaśniajecca rasijskaja mova, — heta adkrytaja chłuśnia».
Jon jak były člen rady ministraŭ abarony SND, źviarnuŭsia da «starych bajavych siabroŭ», zaznačyŭšy, što «vajna pamiž słavianami — heta nonsens».
Paźniej MZS Ukrainy zajaviŭ, što nijakich pieramovaŭ pra raźmiaščeńnie amierykanskaj PRA va Ukrainie nie viadziecca, a sam pasoł taksama zajaviŭ ahienctvu «Interfaks-Zachad», što jaho niapravilna zrazumieli.
Kaho z palitviaźniaŭ mohuć vypuścić paśla anonsu Łukašenki?8
Kaho z palitviaźniaŭ mohuć vypuścić paśla anonsu Łukašenki?
«Kadebist u čornych skuranych palčatkach zadavaŭ pytańni, i kali ja nie adkazvała, pačynaŭ mianie dušyć»11
Kamientary