Minsk nie atrymaje da čempijanatu śvietu pa chakiei, jaki startuje 1 maja, hatela, jaki na praśpiekcie Pieramožcaŭ abaviazaŭsia pabudavać nibyta kiprski inviestar pad nazvaj «Galleria Concept BLR Limited».
Ź dziaržaŭnaha rašeńnia ab budaŭnictvie hetaha šmatfunkcyjanalnaha handlova-zabaŭlalnaha kompleksu z hatelem i parkinham Łukašenka svaim ukazam №101 ad 28 lutaha 2014 h. vydaliŭ usie adsyłki na ČS pa chakiei, a taksama terminy zakančeńnia budaŭnictva z vyraznym ukazańniem daty kštałtu «da 1 maja 2014 hoda».
Niazdolnaść inviestara skončyć budaŭnictva abjekta na adnym z klučavych praśpiektaŭ Minska abumoŭlenaja, miarkujučy pa ŭsim, adsutnaściu hrošaj. Zakančvać budaŭnictva inviestar budzie za košt finansavańnia, pradstaŭlenaha biełaruskaj dačkoj Aščadbanka RF.
«Zakazčyk maje prava pieradavać u załoh (ipateku) AAT «BPS-Aščadbank» i AAT «Aščadbank Rasii» abjekty (pravy na ich), jakija ŭvachodziać u skład kompleksu, u tym liku jakija pastupiać zakazčyku ŭ budučyni i na datu zaklučeńnia damovy ab ipatecy nie ličacca stvoranymi ŭ adpaviednaści z zakanadaŭstvam, a taksama prava arendy ziamielnaha ŭčastka, na jakim raźmieščanyja hetyja abjekty, biez ŭniasieńnia płaty za prava zaklučeńnia damovy arendy ziamielnaha ŭčastka», — havorycca ŭ dakumiencie.
Kaho z palitviaźniaŭ mohuć vypuścić paśla anonsu Łukašenki?8
Kaho z palitviaźniaŭ mohuć vypuścić paśla anonsu Łukašenki?
Jaŭhienija Čarniaŭskaja, dačka zasnavalnika Tut.by Juryja Zisiera, zaniałasia vyrabam luksavaj kieramiki2
Kamientary