Kiraŭnik Abjadnańnia iudziejskich relihijnych arhanizacyj Ukrainy Jakaŭ Doŭ Błajch, jaki sustrakaŭsia ź dziaržsakratarom ZŠA padčas jaho vizitu ŭ Kijeŭ, zajaviŭ, što Džonu Kery hetaja ideja pryjšłasia daspadoby. Pra heta jon raskazaŭ sajtu Gordonua.com.
«U mianie jość ideja nie admianiać całkam samit G7, jaki płanavaŭsia na červień u Sočy, a pravieści jaho ŭ Kijevie. Kali lidary nie jeduć u Sočy, to jany pavinny pakazać padtrymku Ukrainy i pryjechać u Kijeŭ. Učora na sustrečy z Džonam Kery ja jamu heta ahučyŭ. Jamu hetaja ideja vielmi spadabałasia, ja heta dakładna ŭbačyŭ! Heta vielmi dobraja ideja, i vy dumajecie napierad!», — raspavioŭ rabin.
«Ja ŭžo razmaŭlaŭ z hetaj nahody z kanadcami, francuzami, budu havaryć ź niemcami.Taksama ŭžo pahavaryŭ z Suśvietnaj radaj ukraincaŭ i Suśvietnym ukrainskim kanhresavym kamitetam u Amierycy. Kali ŭ takoj prapanovy budzie šyrokaja mižnarodnaja padtrymka, a hałoŭnaje, padtrymka ŭnutry samoj Ukrainy, to my zmožam jaho pravieści», — pierakanany Jakaŭ Doŭ Błajch.
Raniej Błajch abvierh zajavy Pucina pra toje, što da ŭłady va Ukrainie pryjšli antysiemickija siły i zaŭvažyŭ, što pieršy akt vandalizmu z antysiemickim źmiestam u Krymie adbyŭsia paśla taho, jak paŭvostraŭ zaniali rasijskija vojski.
«Nikomu nie kaža, čyj syn». Jak u Piekinie vučycca Kola Łukašenka3
Kamientary