Niezaležny teatr «Kryły chałopa» płanavaŭ prezientavać svoj novy prajekt 6 sakavika.
Pakaz pastanoŭki i hutarka z udziełam zaprošanych ekśpiertaŭ musili adbycca ŭ Cientry kultury i adpačynku. Adnak padčas hienieralnaj repietycyi, stała viadoma, što śpiektakl admianiajecca ŭ suviazi z ramontam, jaki nibyta pavinien pačacca akurat ŭ dzień premjery. Pry hetym mierapryjemstvy, jakija zapłanavanyja ŭ hetaj ustanovie na 8 sakavika, nie pieranosiacca.
U adździele ideałahičnaj pracy, pracy z moładździu i kultury teatrałam dali tłumačeńnie, što paśla ramontu pakaz adbudziecca, ale ŭ vypadku, kali pastanoŭku zaćvierdzić admysłovaja kamisija.
«My traktujem siońniašni «pieranos śpiektakla z-za ramontu» jak zavualavanuju zabaronu. I zajaŭlajem, što ŭ čarhovy raz u Biełarusi cenzura zabaraniła vykazvańnie, jakoje moža być čymści niazručnym isnujučaj sistemie», —havorycca na aficyjnym sajcie teatra »Kryły chałopa».
Darečy, pastanoŭki niezaležnaha teatra zabaraniajuć nie ŭ pieršy raz. Naprykancy 2012-ha admianili pastanoŭku pa pjesie Paŭła Pražko. Pračytańnie tvora «Majtki» teatr «Kryły chałopa» płanavaŭ pravieści ŭ bresckim art-kłubie»Kirpič». Zabaronu paśla papiaredniaha prahladu vyniesła mastackaja kamisija. U jaje skład uvajšli čynoŭniki «ad kultury» i teatralnyja režysiory Bresta.
Kamientary