Pa vynikach pieršych dvuch miesiacaŭ 2014 hoda ahulnaje źnižeńnie zołatavalutnych reziervaŭ Biełarusi skłała prykładna 500 młn. dołaraŭ.
Ab hetym śviedčać danyja Nacyjanalnaha banka.Pa vynikach lutaha zołatavalutnyja reziervy Respubliki Biełaruś u vyznačeńni standartu MVF skaracilisia na 80 młn. dołaraŭ ZŠA i, pavodle papiarednich danych, na 1 sakavika 2014 hoda skłali 6 młrd. 147,8 młn. dołaraŭ ZŠA ŭ ekvivalencie.
U studzieni, nahadajem, zołatavalutnyja reziervy skaracilisia bolš jak na 420 młn. dołaraŭ.
U nacyjanalnym vyznačeńni ŭ lutym abjom zołatavalutnych reziervaŭ skaraciŭsia na 81,9 młn. dołaraŭ ZŠA i na 1 sakavika 2014 hoda skłaŭ 6 młrd. 724,5 młn. dołaraŭ ZŠA ŭ ekvivalencie.
Jak paviedamlaje ŭpraŭleńnie infarmacyi Nacyjanalnaha banka, na źnižeńnie abjomu zołatavalutnych reziervaŭ zrabiła ŭpłyŭ pahašeńnie ŭradam i Nacbankam źniešnich i ŭnutranych abaviazacielstvaŭ u zamiežnaj valucie ŭ poŭnym abjomie.
Padtrymańniu abjomu zołatavalutnych reziervaŭ u lutym hetaha hoda hałoŭnym čynam spryjaŭ rost cany na zołata na mižnarodnym rynku kaštoŭnych mietałaŭ.
Ciapier čytajuć
Rytu Dakotu abvinavacili, što jana terminova raspradała nieruchomaść u Rasii amal na $2 miljony. Jana adkazała4
Kamientary