Nazarbajeŭ zahadaŭ uzmacnić vojska, adznačyŭ nieabchodnaść pieraŭzbrajeńnia
Prezident Kazachstana Nursułtan Nazarbajeŭ daručyŭ praciahnuć pracu pa ŭzmacnieńni vajennych hrupovak na poŭdni i zachadzie respubliki.
Na apieratyŭna-stratehičnaj naradzie ŭ Ministerstvie abarony RK 6 sakavika Nazarbajeŭ adznačyŭ, što ŭ najbližejšym atačeńni krainy zachoŭvajecca niavyznačanaść. «Nie vyznačany pravavy status Kaśpijskaha mora, adbyvajecca militaryzacyja prybiarežnych dziaržaŭ. Taksama majucca ryzyki ŭ suviazi z vyvadam vojskaŭ kaalicyi z Afhanistana. U hetaj suviazi daručaju praciahnuć pracu pa jakasnym uzmacnieńni hrupovak na paŭdniovym i zachodnim stratehičnych napramkach», - padkreśliŭ Nazarbajeŭ.
Jon taksama adznačyŭ nieabchodnaść padtrymańnia ŭ vojskach vysokaj intensiŭnaści bajavoj padrychtoŭki. Pa słovach Nazarbajeva, vučeńni pavinny być naceleny na adpracoŭku zadač, maksimalna nabližanych da ŭmoŭ sučasnaha stanovišča.
«My budziem niečakana praviarać bojehatoŭnaść tych ci inšych častak rehijanalnych kamandavańniaŭ. Nieabchodna taksama ŭdaskanalvać kaardynacyju ŭsich siłavych struktur, na mižnarodnym uzroŭni raźvivać uzajemadziejańnie z našymi sajuźnikami i partniorami. Prahramy bajavoj padrychtoŭki pavinny być napoŭnienyja novym źmiestam, adekvatnym sučasnym pahrozam», - skazaŭ Nazarbajeŭ.
Akramia taho, Nazarbajeŭ padkreśliŭ, što kožny hod na ŭzbrajeńnie prymajucca najnoŭšyja ŭzory vajennaj techniki. «My zakuplajem vajennuju pradukcyju nie tolki ŭ Rasii, ale i ŭ inšych krainach. Vojska maje mahčymaść pieraŭzbrojvacca, vykarystoŭvajučy samyja pieradavyja napracoŭki suśvietnaha kłasa. My nie pavinny adstavać ni ad kaho ŭ hetym kirunku. Vajenna-pramysłovy kompleks krainy prystupiŭ da zborki viertalotaŭ, vajennaj optyki, sistem radyjołakacyi i radyjoelektronnaj baraćby, taksama budujucca karabli dla vajenna-marskoha fłotu, arhanizavany ramont avijacyjnaj i bronietechniki. Ale i hetaha niedastatkova, patrabujecca pašyrać dadzienuju pracu», - adznačyŭ Nazarbajeŭ.
-
Premjer Litvy: Sankcyi suprać Rasii i Biełarusi pavinny być chacia b rehijanalnymi, nacyjanalnyja biez tołku
-
Hłamurny kosmas. Džef Biezas adpraŭlaje siońnia ŭ kosmas svaju niaviestu i jašče piać žančyn
-
Kyrhyzstan uručyŭ notu pratestu rasijskamu pasłu paśla abłavy i žorstkaha źbićcia svaich hramadzian u maskoŭskaj łaźni
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym3
Kamientary