U znak pratestu cuprać ahresii Rasii na adkryćcio Paralimpijady vyjšaŭ tolki ściahanosiec Ukrainy
Stadyjon u Sočy sustreŭ jaho avacyjaj.
Na adkryćcio Paralimpijady ŭ Sočy vyjšaŭ tolki adzin ukrainski spartoviec, a nie ŭsia kamanda — tak ukraincy pratestavali suprać ahresii Rasii.
Pra heta na staroncy ŭ Facebook paviedamiŭ ministr moładzi i sportu Dźmitryj Bułataŭ.
Na cyrymonii adkryćcia, jakaja prajšła ŭ piatnicu ŭviečary, ź ściaham Ukrainy vyjšaŭ tolki adzin spartsmien Michaił Tkačenka (u jaho niama noh, jon pierasoŭvajecca na kalascy abo na pratezach).
«Zvyčajna pry adkryćci Paralimpijady vychodzić usia kamanda. Takim čynam naša kamanda padkreślivaje pratest suprać ŭvarvańnia ahresaraŭ i akupantaŭ na našu ziamlu», — rastłumačyŭ Bułataŭ.
Jak adznačyŭ ministr, heta adnahałosnaje rašeńnie kamandy i prezidenta paralimpijskaha kamiteta Ukrainy.
«Na Paralimpijadzie prysutničajuć kamandy ŭsich krain, jakija zajaŭlali udzieł», — dadaŭ jon.
Ciapier čytajuć
Maŭrykij, Siejšeły, Šry-Łanka i nie tolki: pahladzieli, kudy źbiehli ad biełaruskich marazoŭ praŭładnyja artysty i viadučyja16
Kamientary