Žychary vioski Černi, što pad Brestam, z bojem damahlisia adsialeńnia rasijskich narkamanaŭ

Na pačatku lutaha papaŭźli čutki, a potym źjaviłasia infarmacyja na sajcie «Za zdarovuju moładź» ab tym, što ŭ vioscy Černi Bresckaha rajona stvarajecca centr reabilitacyi narkamanaŭ.

Uładalnik doma pa vulicy Biełaruskaj, 16 u vioscy Černi, źjaždžajučy, niejak skazaŭ susiedziam: maŭlaŭ, paru dzion u jaho pažyvuć niekalki chłopcaŭ i dziaŭčat. «Niekalkimi chłopcami» apynulisia čatyrnaccać maładych ludziej i dziaŭčyna.

Pavialičyć

U sielvykankamie i milicyi patłumačyli, što heta rasijskija hramadzian, i što ich znachodžańnie sapraŭdy źviazana ź lačeńniem ad narkatyčnaj zaležnaści.

Adnak ludzi stali zaŭvažać, što «chvoryja» kuplajuć śpirtnoje i cyharety. A adnojčy ŭviečary adbyŭsia vypadak, kali kampanija narkamanaŭ sustrełasia dzieciam, jakija viartalisia sa škoły. Tyja byli mocna napałochanyja.

Miascovyja žychary inicyjavali sustreču ŭ kabiniecie staršyni sielvykankama, potym — 19 lutaha — jašče adzin schod, užo ŭ Domie kultury, z pradstaŭnikami miascovaj ułady. Ludzi vykazvali šmat pretenzij prysutnym kiraŭnikam, časam nie saromiejučysia ŭ vyrazach: «My baimsia za siabie i svaich dziaciej, a milicyja nas nie abaraniaje. Chto daŭ dazvoł na usialeńnie?» Vyśvietliłasia, što rajvykankam. Adnak, aficyjna, budaŭnictva nie zavieršanaje i nidzie nie zarehistravanaje. Na jakoj ža padstavie adbyłosia usialeńnie?

Padahreła situacyju i vydaleńnie z zały fotakarespandentaŭ i pradstaŭnikoŭ elektronnych ŚMI («vy što, baiciesia presu i telebačańnia?»). Uvohule, adzinym arhumientam milicyi było toje, što rasiejcy znachodziacca tut na zakonnych padstavach, pakolki na terytoryi RB zarehistravanyja. Zarehistravany i sam «Centr zdarovaj moładzi». Adnak kali na ich sajcie napisana, što ŭ Černiach źjaviŭsia narkałahičny dyspansier, dzie tady licenzija, dla atrymańnia jakoj patrabujecca najaŭnaść peŭnych surjoznych umovaŭ?

Było zrazumieła, što ŭ miascovych ŭładaŭ niama arhumientaŭ.

Adzin ź miascovych žycharoŭ, pažyły mužčyna, paraŭnaŭ situacyju z ukrainskaj: «Tam taksama stvaryłasia situacyja, jakaja nie była vyrašana, i da čaho heta pryviało. I vy nie imknieciesia vypravić jaje na karyść žycharoŭ».

U vyniku staršynia sielvykankama i načalnik rajonnaj milicyi paabiacali, što da 23 lutaha «narkamany» pavinny vysielicca, što i adbyłosia, da radaści miascovych žycharoŭ.

• 0
• 0
• 0
• 0
• 0
• 0