Siońnia na placoŭcy kala minskaj Fiłarmonii byŭ zatrymany kandydat u deputaty Minskaha harsavieta ad Partyi BNF Jaŭhien Rybakoŭ. Jon ładziŭ pieradvybarčy pikiet. Spadar Rybakoŭ mieŭ u rukach bieł-čyrvona-bieły ściah.
«Mianie zatrymaŭ małodšy sieržant, ź milicyi mietrapalitena, — raskazaŭ «Našaj Nivie» spadar Rybakoŭ. – Mianie pryviali ŭ aporny punkt milicyi na stancyi «Płošča Jakuba Kołasa». Pryčyny dla zatrymańnia ŭ jaho nie było, darečy, razam sa mnoj pasprabavali zatrymać dvuch vybarščykaŭ, ale jany, ludzi stałaha vieku, paśpieli ŭciačy… Pryjechaŭ načalnik hetaha siaržanta, paśla jany patelefanavali hałoŭnamu ideołahu harsavieta, pravieryli maje dakumienty, i adpuścili. Ściah zastaŭsia pry mnie, heta ściah našaj partyi, i ja płanuju da siomaj viečara praciahvać pikiet», — raskazaŭ spadar Rybakoŭ.
