U internecie źjaviłasia videa, jak rasijskija šturmaviki ŭ Daniecku zryvajuć, topčuć i palać ściahi Ukrainy i futbolnaha kłuba «Šachcior». Apošni jany zbłytali sa štandaram UPA. Usio heta adbyvałasia pad kryki «Danieck — ruski horad» i «Rasija».
Aburany futbalist danieckaha «Šachciora» Jarasłaŭ Rakicki napisaŭ u svaim Tvitary: «Kali ludzi, jakija kryčać, što Danieck heta Rasija i palać ściahi «Šachciora» — dančuki, a nie tyja, chto panajechaŭ z Rasii, tady ja fašyst i banderaviec, pacany!».
Futbolny «Šachcior» — spartovy honar Danbasa.
Rasijskija ŚMI śćviardžajuć, što ŭ mitynhach za dałučeńnie da Rasii ŭdzielničaje miascovaje ruskamoŭnaje nasielnictva. Ukrainskija ŚMI havorać pra ŭdzieł vialikich hrupaŭ šturmavikoŭ z Rasii.
Baksior Vital Kličko, znachodziačysia ŭ Daniecku, zajaviŭ, što «siońnia refierendumaŭ va ŭschodnich abłaściach Ukrainy patrabujuć hramadzianie inšaj krainy».
Učora sieparatysty, uzbrojenyja ručnymi hranatami, sarvali mitynh za adzinstva Ukrainy ŭ Daniecku, a ŭ Łuhansku atakavali miascovuju abładministracyi.
Miascovaja milicyja biaździejničaje, va Uschodniaj Ukrainie zachoŭvajecca biezuładździe. Vypadki apahańvańnia nacyjanalnaj, dziaržaŭnaj simvoliki zastajucca biespakaranymi.