ZŠA pryniali rašeńnie admović novaj uładzie Ukrainy ŭ pradastaŭleńni vajennaj dapamohi. Pra heta paviedamiła ŭ čaćvier hazieta The Wall Street Journal.
Pa słovach pradstaŭnika amierykanskaj administracyi, jakoha cytuje vydańnie, niadaŭna Kijeŭ paprasiŭ Vašynhton akazać dapamohu ŭkrainskim uzbrojenym siłam, u pryvatnaści, pastavić «značnyja» partyi zbroi i bojeprypasaŭ, a taksama srodki suviazi, avijacyjnaje paliva i prybory načnoha bačańnia. Akramia taho, Ukraina chacieła, kab ZŠA dzialilisia ź joj raźviedźviestkami.
«Adnak amierykanskija ŭłady adkazali admovaj», — adznačaje The Wall Street Journal.
Vydańnie adznačaje, što Pientahon pahadziŭsia nakiravać va Ukrainu tolki indyvidualnyja charčovyja pajki, pryčym ich pastaŭki pačnucca ŭžo ŭ bližejšyja dni.
«Zaraz my nie razhladajem mahčymaść pradastaŭleńnia vajennaj dapamohi (Ukrainie). My dali jasna zrazumieć, što jany pavinny raźličvać na ekanamičnuju dapamohu», — pryvodzić hazieta słovy pradstaŭnika amierykanskaj administracyi.
Miž tym surazmoŭca The Wall Street Journal nie vyklučyŭ, što ŭ budučyni vajennaja dapamoha ŭsio ž moža być pradastaŭlena. «My nie skazali im: «Kateharyčna nie». My skazali: «Zaraz — nie», — zajaviła krynica va ŭradzie ZŠA.
Kamientary