Rasijskija biržy znoŭ abvalilisia ŭ vyniku pahrozy sankcyj Zachadu
Rasijski fondavy rynak u piatnicu abrynuŭsia bolš čym na 5%.
Na adkryćci tarhoŭ padzieńnie składała kala 2%, a da 11 hadzin msk RTS upaŭ užo na 5,61% da 1017 punkta, MMVB — na 5,12% da 1185 punkta.
Akcyi najbujniejšych rasijskich kampanij da hetaha času taksama rezka patańnieli. Tak, kaciroŭki Śbierbanka abvalilisia na 5,5% (u chodzie tarhoŭ apuskalisia da minimumu z vosieni 2011 h.), «Hazprama» — na 3,27%, VTB — na 5,96%. «Rasnafta» patańnieła na 1,87%, «Łukojł» — na 3,47%. Kaciroŭki «Aerafłota» abrynulisia na 10,61%, «Miečała» — na 16,75%, «Inter RAO» — na 13,27%, FSK JEES — na 11,57%, «Sievierstali» — na 12,08%, MMK — na 10,75%, NŁMK — na 12,22%.
Kurs dalara vyras na 6 kap. da 36,68 rub., jeŭra — na 6 kap. da 50,73 rub. (dadzienyja na 11.45 msk).
Rasijski fondavy rynak abnaviŭ šmathadovyja minimumy indeksaŭ praz masiravanyja rasprodažy i zakryćcio pazicyj inviestarami pa sihnałach stop-loss paśla niaspynnaha prabićcia šerahu ŭzroŭniaŭ padtrymki; rasprodažy iduć na fonie ŭpałych Amieryki i Azii praz słabuju statystyku pa Kitai, a taksama praz napružanaść va Ukrainie i čakańni ŭviadzieńnia Zachadam sankcyj suprać Rasii.
Kamientary