Telegraf.by
Kali vybarščyki nie chodziać na sustrečy z kandydatami ŭ deputaty, to apošnim varta abzavieścisia błohami, kab narod zmoh daviedacca pra ich.
Kiraŭnica CVK Lidzija Jarmošyna prapanavała aryhinalny sposab kampiensavać niedachop žyvych znosinaŭ pamiž kandydatami i vybarščykami: z dapamohaju internet-błohaŭ.
«Na sustrečy jany nie chodziać, dy j kandydaty ich mała pravodziać. Praź virtualnyja znosiny vybarščyki mohuć vyśvietlić usie pra kandydata i zrabić asensavany vybar», — kanstatuje spadarynia Jarmošyna.
Pavodle słovaŭ staršyni CVK, vybarščyki aktyŭna karystajucca sajtam Centralnaj kamisii. «My znachodzimsia ŭ aktyŭnaj elektronnaj pierapiscy z vybarščykami», — skazała jana.
Uličvajučy suśvietnuju praktyku, Biełarusi taksama nie varta śpiašacca z uviadzieńniem elektronnaha hałasavańnia, ličyć Lidzija Jarmošyna.
«Miarkuju, što my taksama pavinny vykarystoŭvać infarmacyjnyja technałohii, pierš za ŭsio, jak srodak apublikavańnia vynikaŭ vybaraŭ i vynikaŭ ŭsioj kampanii, aznajamleńnia ź imi vybarščykaŭ», — udakładniła jana.
Lidzija Jarmošyna pryniała siońnia ŭdzieł u daterminovym hałasavańni na vybarach deputataŭ miascovych Savietaŭ. Staršynia CVK prahałasavała na staličnym učastku № 48.
Daterminovaje hałasavańnie ŭ Biełarusi budzie doŭžycca pa 22 sakavika ŭklučna. Dzień vybaraŭ pryznačany na 23 sakavika.
