Ładzić ich Biełaruskaje dušpastyrstva ajcoŭ daminikanaŭ.
Ciaham čatyroch dzion arhanizatary zaprašajuć naviedać šerah imprezaŭ. Miž inšym, budzie sustreča z režyseram Siarhiejem Rybakovym, aŭtarami knihi «Biełaruś: bulba j džynsy» Małhažataj Nocuń i Andžejem Bžazieckim. Vykładčyk Jahielonskaha ŭniversytetu Jury Hardziejeŭ vystupić z referatam na temu «Nieviadomaja Biełaruś», a litaraturaznaŭca Dźmitry Klabanaŭ raskaža pra biełaruskuju paeziju jak pra žamčužynu erapiejskaj litaratury.
Adzin z arhanizataraŭ Dzion biełaruskaj kultury daminikanin Kšyštaf Rušel kaža, što ŭzhadanyja mierapryjemstvy pryznačanyja i dla palakaŭ, i dla biełarusaŭ.
K. Rušel: Dni nakiravanyja da palakaŭ. Mnie zdajecca, što palaki vielmi mała viedajuć pra Biełaruś. Časta starejšaje pakaleńnie nie adroźnivaje krainaŭ Uschodu. Im zdajecca, što paŭsiul Rasieja. My chočam, kab palaki daviedalisia pra Biełaruś, pra jaje kulturu, litaraturu j ludziej. Taksama hetyja mierapryjemstvy dla biełarusaŭ, kab jany viedali, što ŭ Krakavie jość miesca, dzie razmaŭlajuć pa‑biełarusku, dzie čytajuć biełaruskija tvory.
U klaštary ajcoŭ daminikanaŭ možna taksama pabačyć vystavu zdymkaŭ «Lublu Biełaruś». Dni biełaruskaj kultury pačalisia 24, a zakančvajucca 28 kastryčnika.
Kamientary