ES pradstaviŭ pašyrany śpis rasijcaŭ, na jakich buduć raspaŭsiudžvacca sankcyi ŭ suviazi z rasijskaj aneksijaj Kryma. Da papiaredniaha śpisu, jaki składaŭsia z 21 čałavieka, byli dadadzieny jašče 12 imionaŭ. Siarod ich — namieśnik staršyni rasiejskaha ŭrada Dźmitryj Rahozin, pamočnik prezidenta Rasii Uładzisłaŭ Surkoŭ, daradca prezidenta Siarhiej Hłaźjeŭ.
Akramia hetaha, u śpisie fihurujuć staršynia Savieta Fiederacyi Valancina Maćvijenka, śpikier Dziaržaŭnaj Dumy Siarhiej Naryškin, deputat Alena Mizulina i hienieralny dyrektar mižnarodnaha infarmacyjnaha ahienctva «Rasija Siońnia» Dźmitryj Kisialoŭ.
Sankcyi majuć na ŭvazie zamarožvańnie jeŭrapiejskich aktyvaŭ hetych ludziej, a taksama zabarona na ich ŭjezd u krainy ES.
Nie vyklučajecca mahčymaść taho, što ŭ budučyni sankcyi zakranuć rasiejskich aliharchaŭ, takich jak Raman Abramovič, zajaviŭ premjer-ministr Vialikabrytanii Devid Kemieran.
«My nie rabili jakich-niebudź vyklučeńniaŭ ŭ našym padychodzie [da sankcyj]. Padychod ES, zasnavany na najaŭnych zakonach, maje na ŭvazie, što ŭpor robicca na tych, chto mieŭ niepasrednaje dačynieńnie da dziejańniaŭ [Rasiei ŭ Krymie]», — skazaŭ jon.
Sankcyi «treciaha ŭzroŭniu» na vypadak vajny
Miž tym, kancler Niamieččyny Anhieła Mierkiel paviedamiła, što Jeŭrakamisija padrychtuje sankcyi «treciaha ŭzroŭniu» — handlovyja i ekanamičnyja miery ŭ dačynieńni da Rasii. Jany buduć pryniatyja, kali kanflikt vyjdzie za miežy Krymu.
Rasijski ministr zamiežnych spraŭ Siarhiej Łaŭroŭ zajaviŭ u piatnicu, što sankcyi Zachadu ŭ dačynieńni da Rasii niepravamiernyja i pryviaduć tolki da stvareńnia štučnych i niepatrebnych barjeraŭ na šlachu narmalnych kantaktaŭ i znosin.
Adnak prezident Pucin daŭ zrazumieć, što Rasija pakul ustrymajecca ad nieadkładnych dziejańniaŭ u adkaz. «Ja miarkuju, my pavinny pakul ŭstrymacca ad krokaŭ u adkaz «, — skazaŭ jon.
Paviedamleńnie ab pašyreńni śpisu rasijan, na jakich buduć raspaŭsiudžvacca sankcyi, źjaviłasia pozna ŭviečary ŭ čaćvier u Bruseli paśla ekstrannaha samitu ES. Kiraŭnik Jeŭrapiejskaha Savieta Chierman van Rampiej nazvaŭ dałučeńnie Krymu da Rasiei vidavočnym parušeńniem suvierenitetu Ukrainy i normaŭ mižnarodnaha prava.
«My rašuča asudžaje niekanstytucyjny refierendum u Krymie. My nie pryznajem fakt aneksii», — zajaviŭ jon.
Akramia taho, Jeŭrasajuz admianiŭ praviadzieńnie samitu Rasija — ES, namiečanaha na 3 červienia, a krainy-siabry Jeŭrasajuza admovilisia ad dvuchbakovych samitaŭ z Rasiejaj, paviedamiŭ Chierman van Rampiej.
«My prazrysta zajavili, što admova ad mirnaha ŭrehulavańnia kryzisu, a taksama lubyja kroki Rasii, nakiravanyja na destabilizacyju stanovišča na Ukrainie, buduć mieć daloka idučyja nastupstvy dla adnosin pamiž ES i Rasijaj u ekanamičnaj śfiery», - zaŭvažyŭ staršynia Savieta ES.
Kamientary