Hałoŭnaja ź ich, jakuju razhladaje milicyja — bandyckija razborki.
Kaardynatara «Pravaha siektara» Alaksandra Muzyčku pa mianušcy «Saško Biły» rasstralali ŭnačy pad Roŭna. Paviedamleńni pra abstaviny supiarečlivyja — ad razborak pamiž kampanijami ŭ kaviarni «Karasi» da napadu na budynak uzbrojenaj hrupy nieviadomych, jakija zachapili aktyvista «Pravaha siektara» i zabili jaho dvuma strełami ŭ serca. Pravodzicca rasśledavańnie, raspačataja kryminalnaja sprava.
Jak paviedamlaje Jespreso.Tv, na siońniašni dzień isnuje try viersii. Pieršaja — «bandyckija razborki». Jak viadoma, «Saško Biły» byŭ viadomaj asobaj «u peŭnych kołach», za rekiet jon adbyvaŭ termin źniavoleńnia.
Druhaja viersija — rasijski śled, i ŭ bližejšy čas niejkaja rasijskaja terarystyčnaja arhanizacyja ci prarasijskaja va Ukrainie moža ŭziać adkaznaść za zabojstva. Adnak miarkujecca, što rasijanam było niavyhadna zabivać Muzyčku mienavita ciapier — jaho dziejnaść aktyŭna vykarystoŭvałasia ŭ prapahandysckich metach, na rasijskich telekanałach «Biłym» pałochali ludziej, pakazvali, jakaja anarchija va Ukrainie.
Treciaja viersija — insceniroŭka z metaj «padstavić» ukrainskich siłavikoŭ. Jak viadoma, sam «Saško Biły» zajaviŭ, što rašeńnie pra jaho źniščeńnie pryniali kiraŭnictva Hienprakuratury i MUS Ukrainy, pakolki jany bajalisia jaho aryštavać. Pra hetuju viersiju nahadali paplečniki Alaksandra Muzyčki paśla jaho zabojstva.
Miarkujecca, što praz takuju pravakacyju, jakaja moža spravakavać peŭnyja dziejańni «Pravaha siektara», rasijskija ŚMI atrymajuć čarhovuju mahčymaść pakazać «anarchiju i žachi va Ukrainie», «razborki majdanaŭskaj mafii». Kab niejtralizavać taki scenar, MUS i SBU Ukrainy musiać apieratyŭna znajści zabojcaŭ, adznačaje espreso.tv.
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža30
Kamientary