U Babrujsku siabry supołki Svabodnaha prafsajuza Biełaruskaha na zavodzie traktarnych detalaŭ i ahrehataŭ abviaścili papieradžalnuju trochdzionnuju haładoŭku.
Staršynia supołki Michaił Kavalkoŭ, jakoha nie puskajuć na terytoryju pradpryjemstva, haładaje la prachadnoj. Troje aktyvistaŭ prafsajuza akcyju pratestu padtrymlivać na svaich pracoŭnych miescach.
Aktyvisty patrabujuć spynieńnia pieraśledu administracyjaj pracaŭnikoŭ zavoda, jakija źjaŭlajucca siabrami Svabodnaha prafsajuza Biełaruskaha, a taksama likvidavańnia dyskryminacyjnych punktaŭ u kalektyŭnaj damovie. U patrabavańniach značycca i punkt pra dopusk kiraŭnika supołki na terytoryju zavoda i vydzialeńnie supołcy pamiaškańnia ŭ budynku zavodakiravańnia. Haładoŭniki prapanujuć administracyi pačać pieramovy z supołkaj.
Akcyja pratestu pačałasia 25 sakavika a 9-j hadzinie ranicy. Michaiła Kavalkova milicyja ŭžo papiaredziła pra niedapuščalnaść praviadzieńnia haładoŭki, na jakuju niama dazvołu harvykankama. Kali jana nie budzie spynienaja, jaje kvalifikujuć jak niesankcyjanavanaje pikietavańnie. Pavodle Kavalkova, za im la prachadnoj viadziecca nazirańnie. Akramia milicyi prysutničaje i pradstaŭnik harvykankama. Siłavych dziejańniaŭ suprać jaho pakul niama.
-
Italjaniec pierajechaŭ u biełaruskuju viosku i pačaŭ piačy sapraŭdnuju picu na drovach
-
«90 čałaviek vyhnali pad piakučaje sonca i trymali tam try hadziny. Ja paŭtarała tolki adnu malitvu: niachaj im usio vierniecca»
-
Ci chopić sioleta €2000, kab adpačyć na mory? Što adbyvajecca z cenami na letni adpačynak
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža30
Kamientary