25 sakavika 1918 hoda była abvieščana niezaležnaść Biełaruskaj Narodnaj Respubliki. Pieršy raz u novaj historyi naš narod zajaviŭ tady pra svajo prava.
Impieryja — kałos na hlinianych nahach. 100 hadoŭ tamu, za 4 miesiacy da pačatku Pieršaj suśvietnaj vajny, chto moh padumać, što kałasalnaja Rasija — ad Chielsinki da Karsa — praz 4 hady budzie ŭ razvale?
I ciapier, kali ŭ pavietry zapachła novaj vajnoj, Biełaruś pavinna pamiatać strašnyja ŭroki XX stahodździa. Kali Biełaruś pastanović, jana zbuduje svoj jeŭrapiejski dom. Taki, jaki ŭ XIX stahodździ ŭźviali finy, estoncy, čechi…
Ciažka było pačać. A dalej — cahlinka za cahlinkaj.
* * *
U sučasnaj Biełarusi demakratyčnaja hramadskaść tradycyjna ładzić u hety dzień šeście i mitynh.
25 sakavika, u aŭtorak, zbor udzielnikaŭ akcyi pačniecca a 18.00 kala kinateatra «Kastryčnik» (stancyja mietro «Akademija navuk»), zatym adbudziecca šeście pa praśpiekcie Niezaležnaści i vulicy Surhanava da parku Družby Narodaŭ, dzie z 19.30 da 20.00 pavinien prajści mitynh. Arhanizatary zaklikali prynosić ukrainskija ściahi, u znak salidarnaści z bratnim narodam.
U Vilni na 25 sakavika zapłanavanyja try ŭračystaści.
Z 12:00 da 12:30 adbudziecca ŭskładańnie kvietak padpisantam Akta Niezaležnaści Biełaruskaj Narodnaj Respubliki 25 sakavika 1918 hoda na mohiłkach Rosy.
U Sojmie Litoŭskaj Respubliki adbudziecca dyskusija «Dzień Voli ŭ Biełarusi. Ciapierašniaja situacyja, čakańnie pierśpiektyvy». Čas i miesca: 14:00 – 16:00, Sojm Litoŭskaj Respubliki (Gedimino pr. 53), zała dla pres-kanfierencyj.
Viečaram — śviatočny kancert Paliny Respubliki i vystup studentaŭ EHU u miežach prajekta «Belarusian Dream Theatre». Čas i miesca: 18:30 – 20:00, Užupio kavinė (Užupio g. 2).
-
Italjaniec pierajechaŭ u biełaruskuju viosku i pačaŭ piačy sapraŭdnuju picu na drovach
-
«90 čałaviek vyhnali pad piakučaje sonca i trymali tam try hadziny. Ja paŭtarała tolki adnu malitvu: niachaj im usio vierniecca»
-
Ci chopić sioleta €2000, kab adpačyć na mory? Što adbyvajecca z cenami na letni adpačynak
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža30
Kamientary