Minsk i Maskva abjadnoŭvajuć namahańni pa eksparcie elektraenierhii ŭ Litvu

Infarmacyju paćvierdziła «Kommiersantu» krynica, znajomaja ź situacyjaj. Zhodna z prajektam, da 2015 hoda ekspart elektraenierhii ź Biełarusi, vypracavanaj na jaje TES na rasijskim hazie, budzie rabicca sumiesna DVA «Biełenierha» i rasijskaj «Inter RAO». Cana farmujecca ŭ adpaviednaści z zakanadaŭstvam i ŭnutranymi aktami Minenierha Biełarusi i «Biełenierha» i cenami na haz, jaki pastaŭlajecca «Biełenierha».

U «Inter RAO» patłumačyli, što pahadnieńnie zaklikanaje dyviersifikavać ekspartnyja pastaŭki elektraenierhii i chedžyravać ryzyki pa roznych napramkach. Dakumient pavinien zabiaśpiečyć harantavanuju zahruzku rasijskaj ekspartnaj hienieracyi i pastaŭki Inter RAO Lietuva (daččynaja trejdynhavaja kampanija «Inter RAO» ŭ Litvie).

Litva źjaŭlajecca adnym z klučavych rynkaŭ dla «Inter RAO», na jaje prypadaje kala 20% ekspartu elektraenierhii. U 2013 hodzie abjom ekspartu ŭ Litvu, pavodle dadzienych chołdynhu, upaŭ na 25%, da 357 młrd kVt/h, vyručka ad pastavak skaraciłasia na 10%, da 6,6 młrd rasijskich rubloŭ. Jak patłumačyła «Kommiersantu» krynica, znajomaja ź situacyjaj, pahadnieńnie praduhledžvaje, što elektraenierhija, vypracavanaja na hazavych TES «Biełenierha», budzie pastaŭlacca ŭ Litvu pa ŭzhadnieńni z «Inter RAO» i tolki praz Inter RAO Lietuva. Da kanca 2015 hoda ŭ Inter RAO Lietuva kantrakt na impart z Kalininhradskaj vobłaści, i hetaja enierhija budzie zakuplacca ŭ pryjarytetnym paradku, kaža surazmoŭca «Kommiersanta». Zatym kampanija budzie vyznačacca z enierhaimpartam pa karotkaterminovych kantraktach zychodziačy z ekanamičnaj metazhodnaści.

Biełaruś — tradycyjny imparcior elektraenierhii.

Pavodle źviestak Biełstata, u 2013 hodzie ahulny abjom impartu skłaŭ 6,7 młrd kVt/h pa siaredniaj canie 0,06 dalara za 1 kVt/h, z krain SND ( Rasija i Ukraina ) impartavana 6,6 młrd kVt/h. U 2012 hodzie litoŭski impart ź Biełarusi skłaŭ tolki 298 młn kVt/h.

Z 2012 hoda (paśla poŭnaha pierachodu «Biełtranshaza» va ŭłasnaść «Hazprama») Biełaruś atrymlivaje rasijski haz pa canie, blizkaj da ŭnutryrasijskaj, što dazvalaje źnižać sabiekošt enierhii, vypracavanaj na TES.

U 2013 hodzie Minsk braŭ rasijski haz pa canie 165,6 dalara za 1 tys. kubamietraŭ u pačatku hoda i 163 dalary — u kancy. U 2014 hodzie cana składzie $175 za 1 tys. kubamietraŭ. Pa raźlikach «Kommiersanta» na asnovie spravazdačnaści «Hazprama», siaredniaja cana pastavak hazu ŭ Litvu ŭ 2013 hodzie składała kala 455 dalaraŭ za 1 tys. kubamietraŭ. Rasii i Biełarusi, vystupajučy adzinym frontam, nieabchodna vyklučyć mahčymaść cenavaha arbitražu pamiž elektraenierhijaj, jakaja pastaŭlajecca ŭ Litvu ź Biełarusi, i rasijskim hazam, ličyć Michaił Rastryhin z «VTB Kapitału». Pavodle jaho słovaŭ, kali biełaruskija ekspartnyja ceny zastajucca nizkimi, Litvie vyhadna minimizavać zakupki ŭ «Hazprama», i naadvarot. Vyraŭnoŭvajučy adnosny ŭzrovień cenaŭ hazu i elektraenierhii, urad Rasii i «Hazpram» sprabujuć vybudavać zbałansavanuju trejdynhavuju palityku na litoŭskim rynku, miarkuje analityk. Ale krynica «Kommiersanta» śćviardžaje, što pahadnieńnie pamiž «Biełenierha» i «Inter RAO» zaklučałasia bieź niepasrednych kansultacyj z «Hazpramam».

• 0
• 0
• 0
• 0
• 0
• 0
• 0
• 0