Kiraŭnictva dobraachvotnych sił achovy kraju Litvy śćviardžaje, što rasijskaja ahresija pavysiła cikavaść da dobraachvotnaj słužby achovy kraju.
«My adznačajem, što zacikaŭlenaść dobraachvotnaj słužbaj raście. Maładyja ludzi telefanujuć, cikaviacca, zapisvajucca našmat bolš aktyŭna. Taksama adčuvajecca ažyŭleńnie i siarod vajskoŭcaŭ zapasu, jany pytajucca, kudy treba prybyć u vypadku mabilizacyi», — skazaŭ aficer, staršy lejtenant Tomas Pakalniškis. Pavodle jaho słoŭ, vidavočna, što takoha bumu zacikaŭlenych ŭžo daŭno nie było.
Pradstaŭniki Dobraachvotnaha sił paćvierdzili, što heta naŭprost źviazana z rastučaj ahresijaj Rasii, a taksama pravakacyjami ŭ dačynieńni da Litvy i inšych krain Bałtyi, piša Lietuvos žinios.
Pakalniškis udakładniŭ, što cikavaść da hetaj słužby jašče nie značyć, što šerahi dobraachvotnikaŭ papaŭniajucca. «Ciapier prykładna 4300 dobraachvotnikaŭ, ale tearetyčna ich moža być 5000, takaja miaža. Nazirajučy za cikavaściu ludziej, možna vykazać zdahadku, što praź miesiac ci dva šerahi dobraachvotnikaŭ mohuć značna papoŭnicca», — skazaŭ jon.
Dobraachvotnikam achovy kraju moža stać luby hramadzianin Litvy va ŭzroście ad 18 da 50 hadoŭ. Hety čałaviek nie pavinien być sudzimy, pavinien adpaviadać patrabavańniam pa stanie zdaroŭja.
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža30
Kamientary