Handbalist zbornaj Ivan Broŭka praz 12 hadoŭ viarnuŭsia ŭ minski SKA
Lidar zbornaj Biełarusi pa handbole pa kolkaści praviedzienych za jaje matčaŭ i zakinutych miačoŭ Ivan Broŭka da kanca siezona budzie vystupać za minski SKA.
Biez pracy levy krajni znachodziŭsia ź lutaha, paśla taho jak było rasfarmiravana minskaje «Dynama». U składzie hetaj kamandy Broŭka vystupaŭ ź leta 2011 hoda.
33-hadovy handbalist — vychavaniec minskaha SKA, u hetym kłubie ŭ 1997 hodzie pačałasia karjera hulca. U 2002 hodzie Ivan adpraviŭsia za miažu. Vystupaŭ za ŭkrainski ZTR i niamiecki «Mielzunhiena». Za zbornuju Biełarusi Broŭka pravioŭ 134 matčy, u jakich zakinuŭ 505 miačoŭ.
Paśla rasfarmiravańnia «Dynama» jaho hulcy byli vymušanyja zaniacca pošukami pracy.
Dzianis Rutenka, Dźmitryj Nikulenkaŭ i Maksim Babičaŭ padpisali kantrakty z breckim BHK imia Miaškova, 18-hadovy Mikita Vajłupaŭ — sa SKA, 19-hadovy Alaksandr Markiełaŭ pierabraŭsia ŭ «Homiel». Troje słavienskich lehijanieraŭ «Dynama» — Uraš Bundała, David Mikłaŭčyč i Borut Mačkoŭšak — da kanca siezona buduć vystupać na radzimie za «Cele». Rasijski hałkipier Vadzim Bahdanaŭ staŭ hulcom polskaha kłuba «Azoty». Ukrainiec z rasijskim pašpartam Siarhiej Šalmienka padpisaŭ dahavor z sankt-pieciarburhskaj «Niavoj».
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža30
Kamientary