U Lidzie siabry partyi BNF ź Lidy i Biarozaŭki 25 sakavika tradycyjna ŭšanoŭvali pamiać zmaharoŭ za niezaležnaść Baćkaŭščyny.
A 15-j hadzinie byli ŭskładzienyja vianki i zapalenyja źničy na mahiłach pachavanych tut aktyvistaŭ Biełaruskaj niezaležnickaj partyi Juljana Sakoviča i jaho paplečnikaŭ, što byli zabityja AKoŭcami ŭ 1943-m hodzie. Paśla taho, jak byli razhornutyja ściahi, udzielniki akcyi byli spynienyja asobami ŭ cyvilnym, jakija da hetaha času «hulali niepadalok». Adzin ź ich pakazaŭ paśviedčańnie načalnika Lidskaha adździeła departamienta achovy MUS, jašče dvuch udzielniki akcyi apaznali jak supracoŭnikaŭ Lidskaha adździeła KDB.
Pradstaŭniki siłavych strukturaŭ spynili mierapryjemstva, zajaviŭšy, što heta «palityčnaja akcyja», chacia patłumačyć, što takoje palityčnaja akcyja ź jurydyčnaha punktu hledžańnia — nie zmahli.
Paśla pierapisu pašpartnych dadzienych ŭdzielnikaŭ mierapryjemstva papiaredzili, što dalejšyja dziejańni z vykarystańniem symboliki buduć rascenienyja jak parušeńnie hramadzkaha paradku.
Nastupnym punktam prahramy Dnia Voli było miastečka Voranava, dzie znachodzicca mahiła Cypryjana Kandratoviča — Vajskovaha Ministra BNR. Tam udzielniki akcyi taksama ŭskłali vianok ź bieł-čyrvon-biełaj stužkaj i zapalili pamiatny źnič.
Mierapryjemstva taksama adbyvałasia pad razhornutym ściaham, što było zafiksavana «naziralnikami», jakija siadzieli ŭ aŭtamabili «Falksvahien-Holf», ź jakoha sistematečna byli zaŭvažnyja ŭspyški fotakamiery.
Biełaruskaja błohierka pakazała, jaki žach moža adbyvacca z vusnami, kali chočaš ich pavialičyć — a potym pamienšyć6
Kamientary