Bazavaja vieličynia ŭ Biełarusi z 1 krasavika składzie 150 tys. rubloŭ. Heta praduhledžana pastanovaj Savieta Ministraŭ №255 ad 25 sakavika 2014, paviedamili BiełTA ŭ pres-słužbie ŭrada.
Ciapier bazavaja vieličynia składaje 130 tys rubloŭ.
Bazavaja vieličynia — heta ekanamičny pakazčyk, jaki vyznačaje abstraktnuju kaštoŭnaść pakupnickaj zdolnaści hrošaj, nie źviazanuju z acenkaj jakich-niebudź kankretnych materyjalnych abo niemateryjalnych vyhodaŭ. Bazavaja vieličynia była ŭviedziena ŭ Biełarusi z 2002 hoda, užyvajecca dla vyličeńnia mnohich pakazčykaŭ i narmatyvaŭ u śfiery pracoŭnych pravaadnosin, vyznačaje pamier štrafaŭ i pošlin.
Taksama paviedamlajecca, što taryfnaja staŭka pieršaha razradu pavysicca z 1 krasavika i z 1 maja.
Dla apłaty pracy rabotnikaŭ biudžetnych arhanizacyj i inšych arhanizacyj, jakija atrymlivajuć subsidyi, rabotniki jakich pryraŭnianyja pa apłacie pracy da rabotnikaŭ biudžetnych arhanizacyj, taryfnaja staŭka pieršaha razradu z 1 krasavika ŭstanoŭlena ŭ pamiery Br262 tys., z 1 maja — u pamiery Br275 tys.
