Uznačalvaŭ hrupu były supracoŭnik vajskovaj vyviedki.
U Kijevie Słužba biaśpieki Ukrainy vykryła hrupu asob, jakija sprabavali destabilizavać situacyju ŭ stalicy šlacham pravakavańnia sutyknieńniaŭ, supraćpraŭnych dziejańniaŭ u dačynieńni da mirnych hramadzian, supracoŭnikaŭ pravaachoŭnych orhanaŭ. Pra heta havorycca ŭ paviedamleńni pres-słužby SBU.
«Pravakatary ŭ kolkaści kala 40 čałaviek na čale z byłym supracoŭnikam sievastopalskaha padraździaleńnia vajskovaj raźviedki Minabarony Ukrainy, hramadzianinam Ukrainy Siarhiejem H., atrymali złačynny zahad ab dyskredytacyi mirnych hramadzianskich akcyj u Kijevie, u centry stalicy, na Majdanie Niezaležnaści i pablizu», — havorycca ŭ paviedamleńni.
22 sakavika 2014 supracoŭniki SBU i MUS Ukrainy praviali pieratrus u arandavanym hetaj arhanizacyjaj pamiaškańni na terytoryi adnaho sa staličnych pradpryjemstvaŭ. Pravaachoŭniki kanfiskavali pistalet zamiežnaj vytvorčaści, 50 broniekamizelek, 40 vajskovych kasak, padobnych da tych, što vykarystoŭvali aktyvisty Jeŭramajdanu, patrony da hładkastvolnaj i naraznoj zbroi.
«Pravaparušalniki ažyćciaŭlali niezakonny zbor piersanalnych źviestak pra hramadzianaŭ Ukrainy — udzielnikaŭ mitynhaŭ, pradstaŭnikoŭ hramadskich abjadnańniaŭ.
SBU praciahvaje rabotu pa vyjaŭleńni i spynieńni dziejnaści padobnych pravakataraŭ ŭ Kijevie i inšych haradach Ukrainy», — havorycca ŭ paviedamleńni.
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ20
Kamientary