Pasolstva Rasii «trochi chvaluje» źjaŭleńnie partreta Bandery na Dni Voli ŭ Minsku, — zajaviŭ na pres-kanfierencyi ŭ Minsku 27 sakavika pasoł Rasii Alaksandr Surykaŭ.
Banier z partretam Bandery pobač z vyjavami šerahu biełaruskich nacyjanalistaŭ XX stahodździa prynieśli na demanstracyju 25 Sakavika maładafrontaŭcy. Na sajcie Maładoha Frontu źjaviŭsia i adkaz na vykazvańni pasła Rasii.
«Uvieś śviet zaniepakojeny pytańniem, kolki jašče času vašaja «bienzazapraŭka» (jakuju vy ličycie krainaj) budzie lezci ŭ spravy niezaležnych dziaržaŭ? — havorycca ŭ adkazie. — Kolki jašče vašy bandyty ŭ pahonach buduć baranić dyktataraŭ i kniaźkoŭ va ŭsim śviecie?»
«My nie leziem ŭ spravy vašaj krainy, nie sprabujem skrasci častku vašaj terytoryi, — pišuć maładafrontaŭcy. — Dyk čamu vy leziecie ŭ dušu da svaich susiedziaŭ? Čamu vy pavinny vyrašać, chto naš nacyjanalny hieroj?».
Ściapan Bandera byŭ adnym ź lidaram Arhanizacyi ŭkrainskich nacyjanalistaŭ, što viała zmahańnie za niezaležnaść Ukrainy sa zbrojaj u rukach. Jon siadzieŭ u polskaj turmie, nacysckim kancłahiery, a zabiŭ jaho ŭ 1959 ahient savieckaha KHB. Paźniej hety ahient raskajaŭsia i pierabieh na Zachad.
Postać Bandery vyklikaje šmat histaryčnych sprečak. Zrešty, jak i postaci Vituški i Hadleŭskaha, jakija prysutničali na baniery pobač z Banderam. Usie jany chutčej padzialajuć, čym jadnajuć. Dla ŭkraincaŭ Bandera zastajecca, adnak, simvałam baraćby z rasijskaj i polskaj akupacyjami.
Bandera nie mieŭ niepasrednaha dačynieńnia da Biełarusi, kali nie ličyć taho, što niejki čas, da 1939 hoda, siadzieŭ u polskaj turmie ŭ Breście (vyjšaŭ, kali pierad nabližeńniem niemcaŭ achova turmy razyšłasia). Akramia taho, Bandera byŭ inicyjataram stvareńnia paśla Druhoj suśvietnaj vajny Antybalšavickaha błoka narodaŭ, u jaki ŭvachodzili i biełaruskija emihranckija arhanizacyi.
-
Pajezdka ŭ aeraport — ad 90 da 150 rubloŭ. Biełaruski kankurent «Jandeks-taksi» ahučyŭ taryfy
-
Žonka biełarusa, jaki emihravaŭ u Ispaniju ź siamjoj i zastaŭsia tam adzin, raskazała, čamu ŭ Baranavičach lepš, čym u Barsiełonie
-
Biełaruskija turysty pryjechali na mora ŭ AAE, ale miascovyja plažy akazalisia ŭ mazucie
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ20
Kamientary