Adchileny prezident Ukrainy Viktar Janukovič u «zvarocie da ŭkrainskaha naroda» zaklikaŭ pravieści refierendumy ab statusie kožnaha rehijonu krainy. Pra heta 28 sakavika paviedamlaje ITAR-TASS sa spasyłkaj na zvarot byłoha kiraŭnika dziaržavy. Videa zvarotu pakul što nie źjaviłasia.
«Jak prezident, jaki z vami dumkami i dušoj, zaklikaju kožnaha razvažlivaha hramadzianina Ukrainy — nie dajcie samazvancam vas vykarystoŭvać! Patrabujcie praviadzieńnia refierendumu ab vyznačeńni statusu kožnaha rehijonu ŭ składzie Ukrainy», — havorycca ŭ zvarocie Janukoviča da ŭkrainskaha narodu, jaki pastupiŭ u ITAR-TASS.
Jon nazvaŭ «usio, što adbyvałasia i adbyvajecca ŭ apošnija miesiacy ŭ Ukrainie» — «ŭzbrojenym dziaržaŭnym pieravarotam, jaki byŭ ździejśnieny apazicyjaj na zbroi terarystyčnych hrupovak pry poŭnaj padtrymcy niekatorych zachodnich dziaržaŭ».
«Absalutna łahična, što pratest, jaki razharajecca na Paŭdniovym uschodzie Ukrainy — heta naturalnaja reakcyja hustanasielenaha pramysłovaha kraju na ŭzbrojeny dziaržaŭny pieravarot», — zajaviŭ jon.
«Samazvancy nie majuć mandatu davieru ŭkrainskaha naroda, nie majuć prava pazbaŭlać kožnaha hramadzianina Ukrainy jaho prava hołasu, šlacham uniasieńnia antykanstytucyjnych źmianieńniaŭ u zakanadaŭstva u tym liku i ab vybarach prezidenta», — padkreśliŭ Janukovič.
«Anarchija, jakija tvorycca na vulicach našaj krainy, nie maje ničoha ahulnaha z demakratyjaj», — pierakanany jon. «Niachaj choć adna zachodniaja dziaržava nazavie demakratyčnymi kroki, što prymajucca ciapierašnimi «kiraŭnikami». Nie dumaju, što chto-niebudź ź jeŭrapiejskich čynoŭnikaŭ vysokaha ranhu publična pryznaje narmalnym rasstreły i rabavańni na vulicach ich dziaržaŭ, kali terarysty nazyvajucca aktyvistami, jakim biespakarana dazvolena zabivać i rabavać ludziej», — skazaŭ Janukovič.
Tolki ŭsieŭkrainski refierendum, a nie ekstrannyja daterminovyja vybary prezidenta mohuć u značnaj stupieni stabilizavać palityčnuju situacyju i zachavać suvierenitet i cełasnaść Ukrainy, ličyć Janukovič.
Uniesienyja ŭ zakanadaŭstva antykanstytucyjnyja źmieny, u tym liku i ab vybarach prezidenta Ukrainy, «vyklučajuć mahčymaść sumlennych vybaraŭ, kali b jany ni adbylisia», — upeŭnieny jon.
«Ciapierašniaja tak zvanaja ułada pryniała pakiet zakonaŭ, jakija prama parušajuć Kanstytucyju Ukrainy. Hetyja zakony byli pryniatyja pad ciskam Majdanu. Nad šmatlikimi narodnymi deputatami i ich siemjami ździajśnialisia akty hvałtu, nie kažučy ŭžo pra pastajannych pahrozach», — havorycca ŭ zvarocie byłoha ŭkrainskaha lidara.
Taksama Janukovič u zvarocie da źjezdu «Partyi rehijonaŭ» paprasiŭ źniać ź jaho paŭnamoctvy hanarovaha staršyni partyi i vyklučyć jaho ź jaje.
***
Janukovič byŭ zrynuty 22 lutaha i źbieh u Rasiju, jon dvojčy źjaŭlaŭsia pierad publikaj u rasijskim Rastovie-na-Donie 28 lutaha i 11 sakavika, učora paviedamlałasia, što siońnia ŭ Rastovie jon daść čarhovuju pres-kanfierencyju.
-
«Zaličanaja pa niestandartnaj pracedury». Stała viadoma, jak ščodra padmazvaŭ Epštejn univiersitet, u jakim vučyłasia Karyna Šulak
-
Rubia ŭ apošni momant admianiŭ sustreču ź lidarami Jeŭropy ab pytańni Ukrainy
-
Studzień 2026 hoda ŭvajšoŭ u piaciorku samych ciopłych pieršych miesiacaŭ hoda ŭ śviecie. Jak heta ni dziŭna dla biełarusaŭ
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami10
Kamientary