Deutsche Welle: Rasija cisnuła na krainy AAN pierad hałasavańniem pa Krymie
Pierad hałasavańniem na Hieneralnaj asamblei AAN ab lehitymnaści referendumu ŭ Krymie Rasieja rabiła masiravany cisk na šerah ŭschodnieeŭrapiejskich i centralnaazijackich krainaŭ, damahajučysia ad ich, kab jany nie abviaščali referendum niesapraŭdnym.
U pryvatnaści, Maskva pahražała Małdovie, Kirhizstanu, Tadžykistanu i šerahu inšych krain štrafnymi sankcyjami, paviedamlaje «Niamieckaja chvala» sa spasyłkaj na dyplamataŭ.
«Choć hetyja pahrozy i nie byli sfarmulavany niepasredna, było całkam vidavočna, što havorka idzie pra mahčymaść spynieńnia pastavak rasiejskaha hazu abo vysyłku hastarbajteraŭ z Rasiei», — adznačyli dyplamaty.
U svaju čarhu pradstaŭnik pradstaŭnictva RF u AAN adkinuŭ hetyja abvinavačvńni.
«My nikomu nie pahražajem. My prosta tłumačym sytuacyju», — padkreśliŭ jon.
Jak viadoma, u vyniku hałasavańnia na Hienasamblei AAN bolšaść jaje ŭdzielnikaŭ abviaścili krymski referendum nielehitymnym. Kirhizstan i Tadžykistan ustrymalisia padčas hałasavańnia, a Małdova razam z ZŠA i EZ padtrymała adpaviednuju rezalucyju.
Kamientary