Na płoščy Niezaležnaści ŭ Kijevie prachodzić žałobnaje Vieča. Jano pačałosia z himna i chviliny maŭčańnia pa zahinułych Niabiesnaj sotni.
«Pucin dumaje, što vojska mahutnaje, ale zabyŭsia, što z nami Boh», — skazaŭ śviatar sa sceny Majdana.
Taksama jon adznačyŭ, što z Ukrainaj jość Boh, bo jon «daŭ nam takuju ciopłuju zimu».
Na staličnym Majdanie Niezaležnaści padčas žałobnaha vieča, pryśviečanaha 40 dniam hibieli ŭdzielnikaŭ akcyj pratestu, pradstaŭlenaja kniha pra Hierojach Niabiesnaj sotni.
Pra heta sa sceny Majdana paviedamiŭ hramadski dziejač Raman Saŭčak. Pavodle jaho słovaŭ, u zborniku pradstaŭleny fotazdymki i bijahrafii kožnaha z zahinułych, fotazdymki padziej, mastactva Majdana i t.p.
Na abvieščanaje biez palitykaŭ vieča na Majdanie pryjšli Kličko i Parašanka. Pavodle słovaŭ Saŭčaka, hety zbornik budzie raspaŭsiudžany ŭ biblijatekach ŭsioj krainy.
Nahadajem, u niadzielu, 30 sakavika, minaje 40 dzion z momantu trahičnych padziej 18-20 lutaha, padčas jakich zahinuli hieroi Niabiesnaj Sotni. Pa dadzienych Ministerstva achovy zdaroŭja Ukrainy, pačynajučy z 18 lutaha ŭ sutyknieńniach u centry Kijeva paciarpieła 1528 čałaviek, zahinuła 103 ŭdzielniki pratestaŭ.
Kamientary