U Francyi siońnia, 30 sakavika, prajšoŭ druhi tur municypalnych vybaraŭ.
Pradstaŭniki apazicyjnaj pravacentrysckaj partyi «Sajuz za narodny ruch», zhodna z vynikami ekzit-połaŭ, nabrali ŭ druhim tury 49% hałasoŭ. Kirujučaja ŭ Francyi Sacyjalistyčnaja partyja — 42%. Na trecim miescy — ultrapravy «Nacyjanalny front» Maryn Lo Pen z 9%, paviedamlaje lenta.ru
U vybarach na pasadu mera Paryža, jaki z 2001 hoda zajmaje člen sacyjalistyčnaj partyi Biertran Diełanae, lidziruje sacyjalistka An Idalho.
Zhodna z ekzit-połami, jana nabrała ŭ druhim tury vybaraŭ 54,5% hałasoŭ. Jaje asnoŭnaja supiernica ad «Sajuza za narodny ruch» Natali Kaściuško-Maryzie (Nathalie Kosciusko-Morizet), jakaja zajmała pasadu ministra pry prezidencie Nikala Sarkazi, nabrała 45,5%.
Natali Kaściuško-Maryze maje biełaruskija karani i pachodzić ź siamji ź vialikim palityčnym minułym.
Daloki prodak Natali Kaściuški-Maryze byŭ bratam Tadevuša Kaściuški — kiraŭnika paŭstańnia 1794 h. Dzied Žak Kaściuška byŭ pasłom Francyi ŭ ZŠA, pradzied Andre Maryze — sienataram, baćka, Fransua Kaściuška-Maryze źjaŭlajecca meram Sieŭra.
Natali Kaściuška-Maryze ad 2008 h. była meram horada Łanžumo.
Kamientary