Viarchoŭny sud prapanuje pavialičyć pakarańnie za raspaŭsiud narkotykaŭ
Zhodna z acenkami Viarchoŭnaha suda Biełarusi, «užo pryjšoŭ čas, kab źviarnucca da pytańnia ab uzmacnieńni kryminalnych sankcyj mienavita za raspaŭsiudžvańnie narkotykaŭ».
Ab hetym u intervju prahramie «Kontury» telekanała ANT viečaram 30 sakavika zajaviŭ namieśnik staršyni VS Valeryj Kalinkovič.
Jon skazaŭ, što Ministerstva ŭnutranych spraŭ inicyjuje ŭviadzieńnie samastojnaj kvalifikujučaj prykmiety niezakonnaha zbytu narkotykaŭ — zbyt zaviedama niepaŭnaletnim. «Dobra. Ale čamu znoŭ ad 8 da 13? (Adna z sankcyj, praduhledžanych Kryminalnym kodeksam za niezakonny abarot narkotykaŭ. Maksimalnaja — ad 10 da 15 hadoŭ pazbaŭleńnia voli za narkabiźnies arhanizavanaj hrupaj). Kali my viadziem havorku ab raspaŭsiudžvańni srodkaŭ, jakija nie tolki pavolna zabirajuć zdaroŭje, ale i zabivajuć praktyčna imhnienna, to, napeŭna, i pakarańnie za takija złačynstvy pavinny być suvymiernyja z zabojstvam», — skazaŭ namieśnik staršyni Viarchoŭnaha suda.
Što da vyrabu narkotykaŭ u łabaratoryjach, dzie vypuskajucca vialikija abjomy, to, jak adznačyŭ Kalinkovič, čamu b adkaznaść za hetyja dziejańni nie pamiaścić u najbolš ciažki raździeł kryminalnaha zakona i nie ŭstanavić pakarańnie da 20 hadoŭ pazbaŭleńnia voli.
Prapanovy nakont hetaha Viarchoŭnym sudom užo sfarmiravanyja. Kalinkovič spadziajecca, što zakanadaŭca ź imi zhodzicca.
Havoračy ab siońniašniaj narkasituacyi ŭ krainie, namieśnik staršyni Viarchoŭnaha suda źviarnuŭ uvahu na toje, što «raźvićcio sučasnych infarmacyjnych technałohij dazvalaje narkadyleram dastatkova šyroka i ŭ dastupnaj formie rekłamavać žudasnyja rečyvy, jakija nanosiać niepapraŭny ŭron zdaroŭju i navat unosiać žyćci ludziej».
Pavodle słoŭ Kalinkoviča, pavinna być aktyŭnaja, žorstkaja sacyjalnaja rekłama niehatyŭnych nastupstvaŭ užyvańnia narkotykaŭ.
«Zvyčajnyja ŭhavory i papiaredžańni <…> nie pracujuć, nie ŭsprymajucca. A kali va ŭvieś ekran, u kanvulsijach i pienaj z rotu, moža być, nie ŭsie, ale bolšaść zadumajecca, ci varta kaštavać», — adznačyŭ jon.
Kalinkovič upeŭnieny, što praca pa procidziejańni raspaŭsiudžvańniu narkotykaŭ pavinna pačynacca ŭ siamji. Pavodle jaho słoŭ, u 2013 hodzie ŭ Biełarusi za złačynstvy, źviazanyja ź niezakonnym abarotam narkotykaŭ, było asudžana 57 niepaŭnaletnich. Pryčym tolki 18 ź ich vychoŭvalisia ŭ niapoŭnych siemjach abo pa-za siamjami.
Kamientary