Łukašenka: Sprobam pierakručvańnia i palityzacyi historyi Biełarusi nieabchodna supraćstajać
Alaksandr Łukašenka ličyć nieabchodnym supraćstajać u histaryčnych daśledavańniach sprobam pierakručvańnia i palityzacyi historyi Biełarusi, tendencyjnaj acenki asobnych jaje pieryjadaŭ, u tym liku Vialikaj Ajčynnaj vajny.
Pra heta jon zajaviŭ 31 sakavika na naradzie ź viadučymi navukoŭcami pa pytańni pierśpiektyŭ raźvićcia navuki.
«Navukoŭcam taksama treba ŭsialak papularyzavać histaryčnuju spadčynu jak asnovu patryjatyčnaha vychavańnia hramadzian», — ličyć Alaksandr Łukašenka.
Jon pryznaŭ, što hramadaznaŭčym daśledavańniam i humanitarnaj adukacyi nadajecca nieabhruntavana mała ŭvahi. Na jaho dumku, situacyju nieabchodna mianiać.
«Treba adkryta pryznać, što humanitarnyja navuki — heta pierš za ŭsio navuki ideałahičnyja. Bo ideałohija źjaŭlajecca darožnaj kartaj hramadskaha raźvićcia.
Dziaržaŭnuju ideałohiju my farmavali pa bolšaj častcy empiryčnym šlacham. Nadyšoŭ čas abahulnić vopyt isnavańnia suvierennaj Biełarusi, vyłučyć, sistematyzavać i vykarystoŭvać u ideałahičnaj pracy ŭsio toje, što dapamoža kansalidacyi hramadstva i ŭmacavańniu adzinstva nacyi», — ličyć Łukašenka.
Ciapier čytajuć
Žonka Arcioma, jaki emihravaŭ u Ispaniju ź siamjoj i zastaŭsia tam adzin, adkazała, čamu ŭ Baranavičach lepš, čym u Barsiełonie6
Kamientary