U Biełarusi 1 krasavika vyrasła taryfnaja staŭka pieršaha razradu. Takoje rašeńnie ŭtrymlivajecca ŭ pastanovie Savieta ministraŭ ad 25 sakavika 2014 hoda № 256.
Dla apłaty pracy rabotnikaŭ biudžetnych arhanizacyj i inšych arhanizacyj, jakija atrymlivajuć subsidyi, rabotniki jakich pryraŭnavanyja pa apłacie pracy da rabotnikaŭ biudžetnych arhanizacyj, taryfnaja staŭka pieršaha razradu ŭstanoŭlena ŭ 262 tys. rubloŭ.
Nastupnaje pavyšeńnie čakajecca 1 maja. Jana budzie pavyšana da 275 tys. rubloŭ.
Respublikanskim orhanam dziaržkiravańnia, miascovym vykanaŭčym i rasparadčym orhanam, kiraŭnikam biudžetnych arhanizacyj i inšych arhanizacyj, jakija atrymlivajuć subsidyi, rabotniki jakich pryraŭnavanyja pa apłacie pracy da rabotnikaŭ biudžetnych arhanizacyj, nieabchodna zabiaśpiečyć pieraraźlik zarpłaty rabotnikaŭ u adpaviednaści z ustanoŭlenaj taryfnaj staŭkaj pieršaha razradu i kaeficyjentami Adzinaj taryfnaj sietki rabotnikaŭ Biełarusi z ulikam karekcirujučych kaeficyjentaŭ.
«Pavyšeńnie taryfnaj staŭki pieršaha razradu dazvolić u peŭnaj stupieni pavialičyć zarabotnuju płatu rabotnikaŭ biudžetnaj śfiery. Pavialičacca taksama pamiery dzržaŭnych stypiendyj navučencam i inšyja vypłaty, pamiery jakich zaležać ad pamieru taryfnaj staŭki pieršaha razradu», — prakamientavali va ŭradzie.
Letaś pavyšeńnie taryfnaj staŭki pieršaha razradu ažyćciaŭlałasia trojčy (1 studzienia — z 225 tys. da 240 tys. rubloŭ, 1 krasavika — z 240 tys. da 250 tys., 1 vieraśnia — z 250 tys. da 260 tys. rubloŭ). U paraŭnańni sa śniežniem 2012 hoda jana pavialičyłasia na 15,6%.
Siaredniehadavaja taryfnaja staŭka pieršaha razradu skłała letaś 250,8 tys. pry prahnozie 250 tys. rubloŭ.
Ciapier čytajuć
Žonka Arcioma, jaki emihravaŭ u Ispaniju ź siamjoj i zastaŭsia tam adzin, adkazała, čamu ŭ Baranavičach lepš, čym u Barsiełonie6
Kamientary