Rubinaŭ prapanoŭvaje stvaryć try bujnyja humanitarnyja centry zamiest asobnych instytutaŭ

Staršynia savieta respubliki, akademik Anatol Rubinaŭ prapanoŭvaje stvaryć try bujnyja humanitarnyja centry zamiest asobnych instytutaŭ.

Ab hetym jon zajaviŭ 31 sakavika na naradzie ź viadučymi vučonymi pa pytańni pierśpiektyŭ raźvićcia navuki, jakaja adbyłasia ŭ Nacyjanalnaj akademii navuk z udziełam Alaksandra Łukašenki, kiraŭnikoŭ ministerstvaŭ i viedamstvaŭ, paviedamiła pres-słužba prezidenta. 

Na dumku akademika, heta pavinny być centry biełaruskaj kultury i litaratury, historyka-sacyjalnych prablem i stratehičnych daśledavańniaŭ. Apošni, na jaho dumku, «asabliva važny dla prapracoŭki pierśpiektyŭnych płanaŭ raźvićcia Biełarusi i pavinien zabiaśpiečyć analityku, prahnozy ŭ halinie ekanomiki, krainaznaŭstva, mižnarodnych znosin, inšych pytańniaŭ, źviazanych z raźvićciom krainy, pryčym daśledavańni pavinny nasić niezaležny charaktar». U hetym płanie vielmi značnaja dziejnaść vučonych dla tłumačeńnia nasielnictvu pracesaŭ, što adbyvajucca ŭ krainie i śviecie. 

Jon taksama ličyć, što siońnia dla krainy važnaja kancentracyja na takich pytańniach, jak farmiravańnie ideałohii, samaidentyfikacyja hramadzian, što, na jaho dumku, pavinna vyrašacca ŭ kompleksie. 

Rubinaŭ spyniŭsia na prablemnych pytańniach funkcyjanavańnia Nacyjanalnaj akademii navuk. Na jaho dumku, NAN Biełarusi «pavinna vypracavać aptymalnyja formy arhanizacyi navukovaj pracy».

Havoračy ab mahčymaściach pavyšeńnia materyjalnaha zabieśpiačeńnia vučonych, Anatol Rubinaŭ adznačyŭ, što heta «moža być vyrašana za košt pazbaŭleńnia ad drobnatemja i niepierśpiektyŭnych kirunkaŭ i istotnaha skaračeńnia piersanału». Jon taksama dadaŭ, što NAN pavinna samastojna zarablać hrošy na navukovych daśledavańniach. 

Pieršy namieśnik premjer-ministra Uładzimir Siamaška ličyć važnym raźvivać mahutnyja nacyjanalnyja łabaratoryi, a taksama halinovuju navuku, «stvarać ciesnuju suviaź navuki z vytvorčaściu». Na jaho dumku, nieabchodna stvarać časovyja kalektyvy, kłastary, kudy ŭvojduć i dziaržaŭnyja, i pryvatnyja pradpryjemstvy i jakija buduć vyrašać zadačy, aktualnyja dla Biełarusi na siońnia. Akramia taho, jon prapanavaŭ stvaryć pry Dziaržaŭnym kamitecie pa navucy i technałohijach «niejkuju strukturu, jakaja budzie vykonvać funkcyi svojeasablivaha adboru ŭ navucy tych raspracovak, jakija zapatrabavanyja ŭ vytvorčaści, i, naadvarot, farmiravać patrebny dla praktyki zakaz».

• 0
• 0
• 0
• 0
• 0
• 0
• 0
• 0