Ni pra jakuju rearhanizacyju Nacyjanalnaj Akademii navuk abo pieraŭtvareńnie jaje ŭ hramadskuju arhanizacyju havorka nie idzie.
Ab hetym Alaksandr Łukašenka zajaviŭ 31 sakavika na naradzie ź viadučymi vučonymi pa pytańni pierśpiektyŭ raźvićcia navuki, paviedamlaje pres-słužba prezidenta Biełarusi.
Na jaho dumku, «žyćcio siońnia stavić pierad Akademijaj navuk novyja ahulnadziaržaŭnyja zadačy — navukovaje supravadžeńnie maštabnych inavacyjnych prajektaŭ, takich jak, naprykład, vykarystańnie sistemy dystancyjnaha zandziravańnia Ziamli, budaŭnictva Biełaruskaj AES, raźvićcio bijatechnałahičnaj haliny, nanaindustryi, vytvorčaści mikra- i optaelektroniki i šerahu inšych».
«My razhladajem Nacyjanalnuju akademiju navuk Biełarusi jak jadro ŭsioj navukovaj śfiery, jakoje kancentruje ŭ sabie lepšyja navukovyja siły i viadzie samy šyroki ŭ krainie śpiektr daśledavańniaŭ. Tamu ni pra jakuju rearhanizacyju akademii, a tym bolš pra pieraŭtvareńnie jaje ŭ hramadskuju arhanizacyju havorka nie idzie. I naŭrad ci budzie iści ŭ ahladnaj budučyni», — adznačyŭ Łukašenka.
Pry hetym jon padkreśliŭ, što NAN nieabchodna vyrašyć pytańni aptymizacyi struktury i štatnaj kolkaści svaich navukovych arhanizacyj. Łukašenka ličyć, što «reziervy tut vialikija»: u Akademii navuk pracuje bolš čym 17 tysiač čałaviek, ź jakich daśledčyki składajuć tolki tracinu.
Jon daručyŭ uradu i NAN u 2014 hodzie pryniać miery pa skaračeńni štatnaj kolkaści supracoŭnikaŭ Akademii, što finansujucca ź biudžetu, i jaje padnačalenych arhanizacyj. Pavodle jaho słoŭ, vyzvalenyja srodki stanuć krynicaj pavyšeńnia zarpłaty.
Łukašenka taksama adznačyŭ, što ŭ halinovym siektary pracuje bolš čym 50% rabotnikaŭ, zaniatych u navukovaj śfiery, i vykonvajecca kala pałovy ŭsich daśledavańniaŭ i raspracovak u krainie.
Pry hetym jon padkreśliŭ, što «addača ad ich pakul słabaja»: tolki čverć pradpryjemstvaŭ krainy ŭkładvajuć srodki ŭ technałahičnyja inavacyi, tady jak, naprykład, u Hiermanii hety pakazčyk dachodzić da 70%, dola štohod realizujemaj inavacyjnaj pradukcyi ŭ Biełarusi nie dasiahnuła paroha navukova-technałahičnaj biaśpieki ŭ 20%. «Značnaja častka kiraŭnikoŭ paprostu nie prajaŭlaje zacikaŭlenaści jak u finansavańni daśledavańniaŭ, tak i va ŭkaranieńni ich vynikaŭ. Hetuju situacyju treba vypraŭlać», — skazaŭ Łukašenka.
Jon źviarnuŭ uvahu na toje, što ciapier stvarajucca chołdynhi — anałahi zamiežnych karparacyj. «Ale vielmi redka ŭ ich prysutničajuć daśledčyja struktury. Biez zatrat ułasnych srodkaŭ na navukovyja prapracoŭki svajho praduktu kankuryravać na rynkach užo niemahčyma», — skazaŭ Łukašenka i daručyŭ uradu zaniacca vyrašeńniem hetaha pytańnia.
Jon ličyć, što treba bolš aktyŭna pryciahvać u navukova-inavacyjnuju śfieru pryvatny kapitał, raźvivać dziaržaŭna-pryvatnaje partniorstva ŭ realizacyi inavacyjnych prajektaŭ, asabliva z udziełam małoha i siaredniaha biźniesu.
Łukašenka pastaviŭ uradu zadaču zabiaśpiečyć realizacyju hetych i inšych mier, nakiravanych na aktyvizacyju halinovaj navuki i pavyšeńnie efiektyŭnaści vykarystańnia jaje vynikaŭ dla stvareńnia kankurentazdolnaj pradukcyi.
Ciapier čytajuć
Žonka Arcioma, jaki emihravaŭ u Ispaniju ź siamjoj i zastaŭsia tam adzin, adkazała, čamu ŭ Baranavičach lepš, čym u Barsiełonie6
Kamientary