Kiraŭnik Tatarstana Rustam Minichanaŭ na sustrečy z prezidentam Rasii Uładzimiram Pucinym paprasiŭ raspaŭsiudzić dziejańnie zakona «Ab reabilitacyi represavanych narodaŭ» na krymskich tataraŭ.
«Viadoma ž, 70 hadoŭ jany represavanyja, pakul, akramia taho, što pryniata pastanova pa harantyjach, vy ŭ pasłańni vielmi vyrazna skazali, ale ŭ lubym vypadku było b niadrenna, kali b dziejučym zakonam ad 1991 pryraŭniać i krymskich tataraŭ. Heta była b surjoznaja maralnaja padtrymka krymskim tataram», — zajaviŭ Minichanaŭ.
Jon taksama adznačyŭ, što aktyvisty krymskich tataraŭ vykazali žadańnie sustrecca z prezidentam Rasii i raskazać pra svaje płany.
«I treciaje, napeŭna, na što ja źviarnuŭ uvahu. Usio ž taki miesca pražyvańnia, voś hetyja pasieliščy, pa-pieršaje, treba ŭzakonić. Pa-druhoje, nieabchodna infrastrukturna padtrymlivać, napeŭna, niejkuju prahramu. My heta abmiarkoŭvali i z našymi kalehami z urada Kryma. Tut taksama patrebna vaša padtrymka», — dadaŭ Minichanaŭ.
«Abaviazkova dam zadańnie ŭsio heta prapracavać, usie pytańni, usie try», — adkazaŭ Pucin.
18 maja spoŭnicca 70 hadoŭ (1944) z dnia masavaj departacyi krymskich tataraŭ.
Ciapier čytajuć
Žonka Arcioma, jaki emihravaŭ u Ispaniju ź siamjoj i zastaŭsia tam adzin, adkazała, čamu ŭ Baranavičach lepš, čym u Barsiełonie6
Kamientary