Siońnia moža adčynicca novaje akno mahčymaściej dla palapšeńnia adnosinaŭ pamiž Jeŭrasajuzam i Biełaruśsiu, jak było ŭ 2008 h.
Pra heta zajaviŭ staršynia Ruchu «Za Svabodu» Alaksandr Milinkievič 1 krasavika padčas abmierkavańnia situacyi ŭ Biełarusi na pasiadžeńniach Jeŭraparłamienta i Parłamienckaj asamblei «Jeŭranest».
«Varta praciahvać dziejnaść pavodle paradku dnia, vyznačanaha na Vilenskim samicie «Uschodniaha Partniorstva»: vizavaje pytańnie, achova miažy, abmierkavańnie madernizacyi i h.d.
Upieršyniu za mnohija hady sfarmavaŭsia taki kanstruktyŭny paradak dnia. Nielha dapuścić, kab vakoł ukrainskija padziei jaho pałamali», — ličyć Alaksandr Milinkievič.
Vystupajučy na pasiadžeńni Kamiteta pa zamiežnaj palitycy Jeŭraparłamientu, Alaksandr Milinkievič adznačyŭ, što naša kraina zaniała dobrasusiedskuju pazicyju datyčna Ukrainy. U pryvatnaści, pryznana novaja ŭłada i robicca sproba prapanavać pasiarednictva pamiž Kijevam i Maskvoj.
«Heta jość prajavaj praviadzieńnia niezaležnaj palityki, tamu nie varta izalavać Biełaruś razam z Rasijaj z-za našumiełaha hałasavańnia ŭ Hienieralnaj asamblei AAN pa Ukrainie», — skazaŭ Milinkievič.
Razam z tym, z paradku dnia pieramovaŭ nie pavinna źniknuć prablema palitviaźniaŭ, ličyć staršynia Ruchu «Za Svabodu».
«ES nieabchodna prykłasci ŭsie namahanni, kab pierakanać ułady Biełarusi ŭ tym, što vyhody dyjałohu i niezaležnaść krainy siońnia napramuju zaležyć ad vyzvaleńnia palitviaźniaŭ.
Dziela hetaha varta vykarystoŭvać mahčymyja srodki publičnaj i niepubličnaj dypłamatyi. Vyzvaleńnie viaźniaŭ adkryje kanały ekanamičnaj supracy, inviestycyj, madernizacyjnaj dapamohi, nieabchodnych dla zachavańnia ekanamičnaha i palityčnaha suvierenitetu Biełarusi», — zaklučyŭ Alaksandr Milinkievič.
Ciapier čytajuć
Žonka Arcioma, jaki emihravaŭ u Ispaniju ź siamjoj i zastaŭsia tam adzin, adkazała, čamu ŭ Baranavičach lepš, čym u Barsiełonie6
Kamientary